Tokayev: Böyük ölkələr bir-birinə etibar etmir və BMT Təhlükəsizlik Şurası sülhü təmin etmir- ÖZƏL

Böyük ölkələr artıq bir-birinə etibar etmir və BMT Təhlükəsizlik Şurası sülhü təmin etmək missiyasını yerinə yetirməyi dayandırıb. Olaylar.az xəbər verir ki, bu barədə Qazaxıstan Prezidenti Kasım-Jomart Tokayev bildirib.
"Dünyada baş verən misli görünməmiş hadisələr uçqun kimidir, sistemsizdir, xaos yaradır və proqnozlaşdırılması çətindir. Bu kataklizmlər demək olar ki, bütün ölkələri və xalqları öz orbitlərinə çəkib. Dövlətlər, xüsusən də böyük ölkələr, bir-birinə etibar etməyi dayandırıblar ki, bu da BMT-nin və onun təsisatlarının işinə mənfi təsir göstərib. BMT Təhlükəsizlik Şurası qlobal və regional sülhün, sabitliyin və təhlükəsizliyin təmin edilməsi üzrə mandatını yerinə yetirməyi dayandırıb", - deyə o, Astanada Qazaxıstanın yeni birpalatalı parlamentinin (Kurultai) ilk iclasının açılışında bildirib.