Nika Qvaramiya "Gürcü Arzusu"nun Rusiya ilə diplomatiyanı bərpa edəcəyini iddia edir – ÖZƏL
Olaylar.az xəbər verir ki, "Dəyişikliklər üçün Koalisiya"nın lideri Nika Qvaramiya parlament çoxluğunun nümayəndəsi İrakli Kirtsxaliyanın son açıqlamalarını Gürcüstanın Rusiya ilə dövlət səviyyəsində münasibətlərini bərpa etməsinin anonsu kimi qiymətləndirib. Qvaramiyanın sözlərinə görə, hakim partiya əvvəlcə mədəniyyət, idman və biznes sahəsində əlaqələri bərpa edəcək, yekunda isə Avropa İttifaqından rəsmən imtina edərək Rusiya ilə diplomatik münasibətləri qaydaya salacaq.
O, hökumətin son anti-rusofobiya kampaniyasını və 8 avqust bəyanatlarını bu planın tərkib hissəsi adlandırıb. Kirtsxaliya isə öz növbəsində 2008-2022-ci illərdə Rusiyada fəaliyyət göstərmiş "Suxişvili" ansamblı, Nikoloz Raçveli və Paata Burçuladze kimi mədəniyyət xadimlərini xarici maraqlara xidmət etməkdə günahlandırıb. Qvaramiya bu ittihamları ikinci dərəcəli detal adlandıraraq, ölkəni gözlənilən ağır xəbərlərdən qorumağa çağırıb.