Stratfor: 2026-cı ildə Bakı və İrəvan arasında müharibə riski azalacaq – ÖZƏL

Olaylar.az xəbər verir ki, dünyanın aparıcı kəşfiyyat və analiz mərkəzlərindən biri olan Stratfor, 2026-cı il üçün Ermənistan və Azərbaycan arasındakı münasibətlərə dair proqnozlarını yayımlayıb. 

Hesabatda bildirilir ki, tərəflər 2025-ci ilin çərçivə sülh sazişinin müddəalarını həyata keçirmək üçün ehtiyatlı addımlar atacaqlar ki, bu da yeni müharibə riskini minimuma endirəcək.

Analitik mərkəzin əsas qənaətləri: Hər iki ölkə tam iqtisadi inteqrasiyadan öncə məhdud ticarət əlaqələri vasitəsilə qarşılıqlı etimad qurmağa çalışacaq.
Baş nazir Nikol Paşinyan Azərbaycana verilən "güzəştlər" və kilsə ilə gərginlik səbəbindən artan ictimai narazılıqla üzləşəcək. Paşinyan konstitusiya referendumunu iyun seçkilərinədək təxirə sala bilər. Əgər o, hakimiyyətini qoruyarsa, ABŞ və Azərbaycanla imzalanmış birgə bəyannamənin əsas hissəsi olan "Tramp marşrutu"nun (TRIPP) icrasına üstünlük verəcək.
Bakı İran üzərindən keçən Araz dəhlizinin öz hissəsini tamamlayacaq. Eyni zamanda, Ermənistan əməkdaşlıqdan imtina edərsə, "Tramp marşrutu"nu (TRIPP) İrəvanı regional layihələrdən kənarlaşdıran bir alternativ və rıçaq kimi əlində saxlayacaq.(?)
Moskva TRIPP layihəsinin inkişafına mane olmağa çalışsa da, regionda zəifləyən mövqeyi həm Bakının, həm də İrəvanın Qərbə tərəf yönəlməsinin qarşısını almağa imkan verməyəcək.