Qadın və uşaq hüquqlarının qorunması dövlət siyasətinin prioritetlərindəndir- ÖZƏL

"Ailə institutunun möhkəmləndirilməsi dövlət siyasətinin əsas istiqamətlərindəndir". "Olaylar" xəbər verir ki, bunu Milli Məclisin deputatı, Parlamentin Ailə, qadın və uşaq məsələləri komitəsinin sədri, siyasi elmlər doktoru, professor Hicran Hüseynova deyib: "Qadın və uşaq hüquqlarının qorunması, ailədaxili münasibətlərin sağlam əsaslarla tənzimlənməsi, sosial rifahın yaxşılaşdırılması bu siyasətin prioritetlərindəndir. Azərbaycan ailə qanunvericiliyi, xüsusilə "Ailə Məcəlləsi", ailə münasibətlərinin hüquqi əsaslarını müəyyən edir və ailə dəyərlərinin inkişafına xidmət edir".