Azərbaycan sülhün təminatçısı rolunda çıxış edir - ÖZƏL

"İkinci Qarabağ müharibəsindən sonra  Cənubi Qafqazın sülh gündəliyini müəyyən edən və diqtə edən tərəf  əsas söz sahibi kimi  Azərbaycan  olub.  Azərbaycanın  qətiyyətli səyi nəticəsində sülh prosesi irəliyə aparılıb. Bölgədə sülhün əldə olunmasında maqaralı olmayan güclərin pozucu fəaliyyətinə baxmayaraq məhz Azərbaycanın qətiyyətli  mövqeyi nəticəsində  formalaşdırdığı sülh gündəliyi qısa zaman kəsiyində müsbət  sonluqla başa çatmış oldu. Bütün bu fəaliyyətin nəticəsidir ki, Azərbaycan Cənubi Qafqazda  dayanıqlı sülhün, sabitliyin, təhlükəsizliyin təminatçısı rolunda çıxış etməkdədir. Bu gün Vaşinqtonda  ABŞ Prezidenti Donald Trampın iştirakı ilə Azərbaycan Prezidenti İlham Əliyevin və Ermənistanın baş naziri Nikol Paşinyanın iki ölkə arasında sülh sazişi sənədini parafalaması dediklərimizin bariz nümunəsidir".

Olaylar xəbər verir ki, bunu Milli Məclisin deputatı Aydın Hüseynov deyib.
Deputat bildirib ki, bu gün Vaşinqtonda imzalanacaq sənəd təkcə Azərbaycanla Ermənistan üçün deyil, bütövlükdə Cənubi  Qafqaz və daha geniş coğrafiya, xüsusən də  Türk dünyası üçün  çox böyük siyasi tarixi əhəmiyyət kəsb edir:  "Belə ki, bölgəmiz yeni sülh və inkişaf mərhələsinə daxil olur. Ermənistanla Azərbaycan arasında sülhün əldə edilməsi  Cənubi Qafqazda tamamilə yeni reallıq yaradır ki, bu da öz növbəsində  nəinki  bütövlükdə regionda və Mərkəzi Avrasiyanın daha  geniş  coğrafiyada sıx əməkdaşlıqlar üçün yeni fürsətlər açır. Cənubi  Qafqaz və Türk dünyası tarixi əhəmiyyət kəsb edən bu gün  Prezident İlham Əliyevin uzaqgörən siyasəti, qətiyyətli rəhbərliyi sayəsində  mümkün olub. Bu tarixi hadisə Türkdilli dövlətlər arasında  daha sıx əməkdaşlıq münasibətlərinin qurulmasına və yeni güc mərkəzi ortaya çıxmasına öz müsbət töhfəsini verəcək.
 Cənubi Qafqazda sülhün əldə edilməsi qlobal miqyasda  sülhün, sabitliyin, təhlükəsizliyin, yeni əməkdaşlıü münasibətlər sisteminin formalaşmasına öz təhfəsini verəcək".