Narkotik maddələrin və spirtli içkilərin  qəbulu insan ömrünü qısaldır- ÖZƏL

Ana təbiət insanı uzunömürlü varlıq kimi  yaradıb. İstər səmavi kitablarda, istərsə də elmi kitablarda söhbət 900-1000 ildən gedir. Reallıqda isə insan uzun ömrün onda birini yaşayanda, özünü bəxtəvər sayır. İnsanı dünyadan belə tez köçməyə vadar edən nədir? "Ana Təbiət" Natural Gigiyena mərkəzinin rəhbəri, yazıçı-jurnalist Ərşad Əzimzadə qeyd edib ki, bu sualın cavabını hələ eramızdan xeyli əvvəl dünya tibb banisi Hippokrat dəqiq verib: "Bizi öldürən qocalıq deyil, pis vərdişlərdi". Eramızın 7-ci əsrində yaşamış Məhəmməd peyqəmbər bu fikri bir qədər də dərinləşdirib və dəqiqləşdirib: "Bütün fəsadların yuvası - mədədir, bütün dərdlərin çarəsi - pəhrizdir". 
"Bu mövzu ətrafında həm "Möcüzəsiz möcüzə" əsərində, həm də "Bizi yaşadan da qidadır, öldürən də" əsrində ətraflı söhbət açmışam. Bu gün  Hippokratın "pis vərdiş" adlandırdığı düşmənlərdən danışacam. O düşmənlər ki, ömrə balta vuran mikrobların və bakteriyaların sürətlə artıb-törəməsi üçün münbit şərait yaradır, bizi qoruyan möhnətkeş hüceyrələri kütləvi şəkildə qırır, bununla da immun sistemini zəyiflədir, ağır xəstəliklər törədir. Pis vərdişlər çoxdur. Kitablarımın birində onların 90-na qədər formasını qeyd eləmişəm. Bu dəfə diqqəti onların ən güclüsünə, ən qəddarına cəlb etməklə kifayətlənəcəm. 

-Başda çörək olmaqla, bütün un məmulatları, ət, yağ, şəkər, şirniyat. Bir sözlə, bütün ölü (bişmiş, duza və şəkərə qoyulmuş, rafinləşdirilmiş) qidalar. Onlar orqanizmə heç nə vermir, amma həzm olmaq üçün, ondan külli miqdarda enerji alır. Həm də şlaka çevrilib, mikroblar və bakteriyalar üçün güclü yem bazası yaradır. 
-Xörək duzu (natrim xlor). Orqanizm üçün lazım olan bütün duzlar çiy meyvələrdə, tərəvəzdə, yarpaqlarda, çiçəklərdə, zoğlarda, tumlarda kifayət qədər var. Xörək düzü natrium-kalium balansını pozur, bədənə su yığılmasına səbəb olur. 
-Çay, kofe, fanta, kola və digər qablaşdırılmış mayelər. Çayı çiçək və otlardan, vitaminlə zəngin olan meyvələridən dəmləsəniz,  zəngin qan yaratməş olarsınız.  
-Narkotik maddələrin və spirtli içkilərin  qəbulu. 
-Oturaq həyat tərzi. İnsan qəbul etdiyi qidanı yalnız fiziki hərəkət vasitəsilə yandırıb, enerjiyə çevirə bilir. Hərəkətsiz insanın bədənində enerji balansı pozulur, bu da ağır fəsadlar verir. 
-Qarınqulu, pul, var-dövlət düşkünü olmaq. 
-Vəzifə düşkünü, şöhrətpərəst olmaq.
-Fanatizimin bütün formaları, ələlxüsus da dini fanatizm - damarlarda axan qanın zəhərli olmasanın labüd nəticəsidir. 
-Paxıllıq, qisas və intiqam hissi, kələk gəlmək, yalan danışmaq.  
Bu və digər pis vərdigər pis vərdişlərin kökünü kəsməyin, bütün bəlalardan xilas olmağın, uzun illər azar-bezarsız və xoşbəxt yaşamağın yeganə çarısi SAĞLAM HƏYAT TƏRZİDİR. Onun da fəqərə sütunu düzgün qidalanmaqdır".

Alim Hüseynli
Olaylar.az