Azərbaycan və Çin arasındakı dostluq əlaqələri qarşılıqlı etimada əsaslanır- ÖZƏL
"Azərbaycanla Çin Xalq Respublikası arasındakı əlaqələr qədim tarixə malikdir. İki min il bundan əvvəl mövcud olan İpək yolu Azərbaycan və çinliləri birləşdirmişdir".
"Olaylar" xəbər verir ki, bunu Milli Məclisin deputatı Fatma Yıldırım deyib:
"Azərbaycan və Çin arasındakı dostluq əlaqələri qarşılıqlı etimada əsaslanır. İki ölkə bərabərlik və qarşılıqlı fayda prinsipləri olan yaxşı tərəfdaşlardır. Bu il iki ölkə rəhbərləri strateji tərəfdaşlıq qurulması haqqında birgə bəyannamə imzaladılar. Azərbaycan və Çin Silahlı Qüvvələri arasında dostluq və əməkdaşlığı daha da dərinləşdirmək hər iki dövlətin maraqlarına tam uyğundur və xalqlarımıza fayda verəcək. Dövlət başçıları cənab İlham Əliyev və cənab Si Cinpin arasındakı münasibətlərin Azərbaycan-Çin əlaqələrinin inkişafında xüsusi rolu olduğu qeyd olundu".
Qeyd edək ki, dünən Çin Xalq Azadlıq Ordusunun yaradılmasının 97-ci ildönümü münasibətilə tədbir keçirilib.
Alim Hüseynli
Olaylar.az