Şuşada keçirilən Qlobal Media Forumu iştirakçılarının Laçın şəhərində gəzintisi baş tutub.

Trend-in məlumatına görə, forumda iştirak edən xarici qonaqlar "Hoçazfilm" yaradıcılıq mərkəzində olublar və onlara mərkəz haqqında ətraflı məlumat verilib.

Bundan sonra iştirakçılar Laçında daha bir neçə məkana baş çəkəcək.

Qeyd edək ki, 20-22 iyul tarixlərində təşkil olunan forumda 50-ə yaxın ölkədən 150-dən çox xarici qonağın, o cümlədən, 30-a yaxın ölkənin informasiya agentliyi, 3 beynəlxalq təşkilat və 82 media qurumunun nümayəndəsi iştirak edib.