Zaxarova: Ermənistan Fransanın bölgədəki həqiqi niyyətlərindən xəbərdar deyil- ÖZƏL

"Ermənistan Fransanın regionda hərbi mövcudluğunun genişlənməsinin əsl niyyətlərini və risklərini anlamır".

Olaylar.az xəbər verir ki, Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

O qeyd edib ki, Parislə Yerevan arasındakı təmaslar iki ölkənin suveren işidir.

"Yerevanda belə bir hiss yaranır ki, onlar Fransaya müraciət edərək və onunla hərbi-texniki əməkdaşlığı genişləndirməklə nə öz qondarma Fransız himayədarının həqiqi niyyətlərini, nə də regionda hərbi mövcudluğunu genişləndirmək risklərini dərk etmirlər", - Zaxarova bildirib.

Onun sözlərinə görə, Fransanın Ermənistanın təhlükəsizliyini təmin edəcəyinə inanmaq sadəlövhlükdür:

"Paris bacarsaydı, bunu müqavilə öhdəlikləri olan ölkələrdə edərdi, Afrika qitəsində. Bu ölkələrdəki Fransız missiyaları səfil şəkildə uğursuz oldu".