Əfsuslar olsun ki, ölkə daxilində, hələ də düşmənin dəyirmanına su tökən iranpərəstlərin gözləri açılmır

"Prezident, Ali Baş Komandan İlham Əliyev və birinci xanım Mehriban Əliyeva ümumxalq Anım Günü Zəfər tarixinin başlandığı Füzuli rayonunun Qaraxanbəyli kəndinin yaxınlığında, ilk döyüşlərdə həlak olmuş şəhidlərimizin xatirələrinə ucaldılmış abidənin açılışında iştirak etdilər. Abidənin önündə çıxış edən ölkə Başçısı, Cənub istiqamətində Vətən torpaqlarının azad olunması əməliyyatlarının buradan başlandığını və 44 gün ərzində Qəhrəman Ordumuzun bir dəfə də olsun geri çəkilmədiyini xatırlatdı. Prezidentin çıxışları, səsləndirdiyi fikirlərin hər biri ölkəmiz, onun təhlükəsizliyinin qorunması, gələcəyi ilə bağlı xüsusi məna kəsb edir". "OLAYLAR"-ın xəbərinə görə, belə bir açıqlama ilə çıxış edən Milli Məclisin deputatı Nəsib Məhəməliyev dünənki çıxışda diqqət çəkən əsas məqamı oxucularla bölüşüb: "Bu gün şəhidlərimizin əziz xatirəsinin əziz xatirəsini yad edərək, bir daha hər birimiz özünə söz verməlidir, vəd verməlidir, and içməlidir ki, biz müstəqilliyimizin keşiyində əbədi duracağıq. Qoymayacağıq ki, bir daha düşmən başını qaldırsın, qoymayacağıq ki, bir daha bizim üçün təhdid yaratsın. Əgər bunu görsək, dərhal hərəkətə keçəcəyik. Əminəm ki, buna ehtiyac olmayacaq. Çünki, ölkəmizin artan gücü, o cümlədən hərbi gücü müsrəqilliyimizin, rahat həyatımızın təminatçısıdır, onun qarantıdır".

Millət vəkilinin sözlərinə görə, son iki il göstərdi ki, müstəqil, qaib xalq olaraq, qürurla yaşamaqdan böyük xoşbəxtlik ola bilməz: "Dünyada olduqca mürəkkəb və ziddiyətli proseslər gedir. Rusiya, İran kimi ölkələr çalxalanır. Autsayder Ermənistan başını itirib. Nə etdiyini, anlamır, özünə yeni "xozyain" axtarışındadır, psixoz vəziyyətindən çıxa bilmir. Qardaş Türkiyənin ətrafında müxtəlif oyunlar oynanılır. Əfsuslar olsun ki, ölkə daxilində, hələ də düşmənin dəyirmanına su tökən, ən yüksək səviyyədə Ermənistana hərbi, siyasi, iqtisadi dəstək verən iranpərəstlərin gözləri açılmır. Sivil dünyanın nifrət etdiyi molla rejiminin insanlığa zidd davranışları yerli "nağılbazlar" tərəfindən təşviq olunur".

Millət vəkili sonda dövlət başçısının dünənki çıxışında yer alan fikrə diqqət çəkib.

"Xoşbəxt nəsilik ki, biz bu tarixi hadisələrin həm şahidləriyik, həm də iştirakçılarıyıq. Bizdən sonra gələn nəsillər həmişə bu şanlı tarixlə fəxr edəcəklər". Tamamilə haqlısınız, cənab Prezident!"