Pekin Azərbaycanın mövqeyini tam bölüşür - Deputat

"Prezident İlham  Əliyevin İtaliyaya səfəriinin ardından Çinlə əlaqələrin də  daha da genişləndirəcəyi  yönündə də addımlar atılacağını proqnozlaşdırmışdım. Budur, cənab İlham Əliyev Səmərqənddə Şanxay Əməkdaşlıq Təşkilatının sammiti zamanı Çin Xalq Respublikasının Sədri Si Cinpinlə görüşdü. Həmən görüşdə Çin lideri  əlaqələrimizin "strateji səviyyədə hərtərəfli inkişafını" və "ölkəmizin ərazi bütövlüyünü, suverenliyini" dəstəklədiklərini elə-belə vurğulamırdı. Arada "status"dan dəm vuranlara göstərilirdi ki, rəsmi Pekin bu məsələdə Azərbaycanın mövqeyini tam bölüşür. Bölüşdüyü üçün də  dövlət başçımızın da bildirdiyi kimi, biz də  işğaldan azad olmuş torpaqlarımızda tikinti-quruculuq işlərində yer almaq istəyən Çin şirkətlərinin sayının daha da artmasında maraqlıyıq". "Olaylar" xəbər verir ki, bunu deyən millət vəkili Sahib Alıyevin sözlərinə görə, həm qlobal müstəvidə, həm də bizim regionda baş verənlərə yanaşmada Azərbaycanla Çinin fikirlərinin üst-üstə düşməsinin nəticəsidir ki, cənab İlham Əliyevlə Si Cinpinin görüşü  hər iki dövlət  arasında "əlaqələrin dərinləşdirilməsi üçün birgə səyləri bundan sonra da davam etdirmək"  qərarıyla bitdi: "Bunun bir çox, o sıradan da şərqlə qərb arasında yüklərin daşınması baxımından regiona nə vəd etdiyi yəqin ki, hər kəsə, o sıradan da Paşinyanın Vladivostokda "nəqliyyat qovşağı" kimi təqdim etdiyi dalan Ermənistana da aydındır. Hindistanın BMT-dəki təmsilçisinin özünü fransız, fars, pardon hay kimi aparması onlara nə  verəcək, baxıb görəcəyik".