BMT rəsmisi Şuşada nələrin müzakirə ediləcəyini açıqladı

Bu gün Azərbaycan Hökumətinin dəvəti ilə biz Şuşada postpandemiya və postmüharibə dövründə dayanıqlı inkişaf məqsədlərinə nail olmağı müzakirə edəcəyik.

Olaylar.az bildirir ki, bunu martın 18-də Şuşa şəhərində səfərdə olan BMT-nin Azərbaycandakı rezident əlaqələndiricisi Vladanka Andreyeva jurnalistlərə açıqlamasında deyib.

O qeyd edib ki, iki panel müzakirəsində fərqli məsələlər müzakirə olunacaq.

"Azərbaycan-BMT əlaqələrinin 30-cu ildönümü ilə bağlı silsilə tədbirlər keçirilir. Tədbirlərin açılışı martın 2-də olub. Bakıda şəhərin mərkəzində fotosərgi açılıb," - deyə o əlavə edib.