Milli Məclisdə mübahisə: “Camaata dərs keçmə. Sözü bir kəlmə dedin, uzatmaq lazım deyil”

Milli Məclisinin bu gün keçirilən plenar iclasında mübahisə düşüb. "Olaylar"ın məlumatına görə, bu, deputat Zahid Orucun məhkəmələrə hakim təyinatı layihəsi ilə bağlı çıxışı zamanı baş verib. Z.Oruc çıxış edərkən deputat Yevda Abramov "Çox danışırsan" replikasını atıb. Z.Oruc da "Yevda müəllim, Sizə böyük hörmətim var, amma bu fikirləri deməyə hüququm var. İmkan verin, sözümüzü deyək. İclasa gəlmək istəmirsinizsə, gəlməyin". Spiker Oqtay Əsədov isə Z.Oruca çıxışını davam etdirməyi tövsiyə edib: "Camaata dərs keçmə. Sözü bir kəlmə dedin, uzatmaq lazım deyil".