Arif Rəhimzadə Rusiyaya gedir

Milli Məclisin Regional məsələlər komitəsinin sədri Arif Rəhimzadə MDB Parlament Assambleyasının Sosial siyasət və İnsan hüquqları daimi komissiyasının iclasında iştirak etmək üçün oktyabrın 8-dən 11-dək Rusiya Federasiyasında səfərdə olacaq. Milli Məclisdən "Olaylar"a verilən xəbərə görə, Sankt-Peterburq şəhərində keçiriləcək toplantıda quruma üzv ölkələrin Əmək və Miqrasiya kodekslərinin model variantlarının işlənməsi, QİÇS-lə mübarizə sahəsində qanunvericiliyin təkmilləşdirilməsi, uşaqların sağlamlığının qorunması ilə bağlı problemlər və digər məsələlər müzakirə ediləcək. Deputatımız iclasda müzakirə ediləcək məsələlərə öz münasibətini bildirəcək.