Deputatlarımız ATƏT PA-nın payız sessiyasına qatılacaqlar

Milli Məclisin deputatı, ATƏT Parlament Assambleyasının vitse -prezidenti Azay Quliyev və millət  vəkili Tahir  Mirkişili qurumun payız  sessiyasında  iştirak  etmək  üçün oktyabrın 2-dən 6-dək  Qırğızıstanda  səfərdə olacaqlar. MM-dən "Olaylar"a verilən məlumata görə, Bişkək  şəhərində  keçiriləcək toplantıda 3  sessiya  çərçivəsində etimad  və  regional  əməkdaşlıq  vasitəsi ilə  sərhəd  bölgələrində  yeni çağırış və təhdidlərə  qarşı mübarizə, Aralıq  Dənizi Forumu  və vətəndaşların təhlükəsiz cəmiyyətlərin qurulmasında iştirakının  gücləndirilməsi barədə  məsələlər  müzakirə ediləcək.  Deputatlarımız  müzakirələrdə  fəal iştirak  edəcəklər. Sessiya çərçivəsində Azay Quliyevin sədri olduğu İpək  Yolu Dəstək Qrupunun iclası  da  keçiriləcəkdir.

Təklifinizi, şikayətinizi bizə yazın. Sizi dinlərik. 055 634 88 31