Vitse-spikir: “Fazil Mustafanın dedikləri qüsurludur”

Milli Məclisin sədr müavini Bahar Muradova deputat Fazil Mustafanın Azərbaycan universitetləri haqqında işlətdiyi fikirlərə münasibət bildirib. "Olaylar" xəbər verir ki,  "Elm haqqında" qanunun müzakirəsi zamanı Fazil Mustafa "Azərbaycan universitetləri  mütəxəssis yetişdirmir. Tibb Universitetini bitirənlər sərbəst həkim işləmirlər, gedib Türkiyədə rezidenturanı bitirirlər" ifadəsini işlədib.

Bahar Muradova isə Fazil Mustafanın bu fikirlərinin yanlış olduğunu elan edib: "Təhsil müəssisələri normal mütəxəssis yetişdirməsəydi, başqa ölkələrdən Azərbaycana tələbələr gəlməzdi. Həm SSRİ, həm də ondan sonrakı dövrdə Azərbaycanda təhsil alaraq öz ölkələrindən nüfuz sahibi olan şəxslər var. Ona görə də Fazil Mustafanın dedikləri qüsurludur".