Ayxan Dəmirçi: Azərbaycan bu seçkilərlə demokratiya yolunda daha bir addım atdı

"Azərbaycanda baş tutan seçkilərdə xalqın uğurlu seçim etdiyinə inanıram. Azərbaycan müstəqillik əldə etdikdən sonra demokratiya yolunda mühüm addımlar atıb". Bu sözləri Secki-2015.az saytına açıqlamasında Azərbaycan -Belçika Dostluq Cəmiyyətinin sədri Ayxan Dəmirçi bildirib. Qurum rəhbəri bəzi Avropa ölkələrinin Azərbaycana təzyiqlərini haqsız adlandırb. Onun sözlərinə görə, bu addımlar Azərbaycana qarşı edilən qarayaxma kampaniyasının tərkib hissəsidir: "Bəzi Avropa ölkələrinin Azərbaycana təzyiq cəhdləri müstəmləkəçilik planlarından qaynaqlanır. Azərbaycanın müstəqil xarici siyasət yürütməsi bəzi dairələrə sərf etmir". A.Dəmirçi qeyd edib ki, Azərbaycan Şərqdə qadına ilk səsvemə hüququ verən ölkədir: "Azərbaycandan fərqli olaraq Avropa ölkələrində hələ də ksenofobiya, anti-semitizm halları müşahidə olunmaqdadır. Niyə həmin ölkələrə təzyiq etmirlər? Yersiz təəssübkeşlik demokratiya və haqq-ədalət anlayışında qəbul olunmazdır. İnanıram ki, son parlament seçkiləri Azərbaycan xalqına və dövlətinə uğurlar gətirəcək. Qəbul olunacaq qanunlar millətinizin rifahına xidmət edəcək".

Təklifinizi, şikayətinizi bizə yazın. Sizi dinlərik. 050 333 88 00