Avropa Olimpiya Komitələri İcraiyyə Komitəsinin üzvləri Azərbaycan prezidentinin fəxri diplomu ilə təltif edilib
29 İyun 2015 17:33 SiyasətAzərbaycan prezidenti İlham Əliyev Avropa Olimpiya Komitələri İcraiyyə Komitəsinin üzvlərinin "Azərbaycan Respublikası Prezidentinin fəxri diplomu" ilə təltif edilməsi haqqında sərəncam imzalayıb. APA-nın məlumatına görə, Avropa Olimpiya Komitələri İcraiyyə Komitəsinin üzvləri Kikis Lazarides, Rafael Paqnozzi və Yanez Koçiyançiç I Avropa Oyunlarının təşkili və uğurla keçirilməsində səmərəli fəaliyyətlərinə görə təltif ediliblər. Dövlət başçısının digər sərəncamı ilə "Bakı 2015" Avropa Oyunları üzrə Koordinasiya Komissiyası sədrinin müavini Zlatko Matesa I Avropa Oyunlarının təşkili və uğurla keçirilməsində səmərəli fəaliyyətinə görə "Azərbaycan Respublikası Prezidentinin fəxri diplomu" ilə təltif edilib.
Təklifinizi, şikayətinizi bizə yazın. Sizi dinlərik. 050 333 88 00