“Bundan sonra hansı axmaq sənin dalınca gedər, cənab İsa Qəmbər?”

Elbəyi Həsənli: “Müsavat Partiyasının xarabalıqlarında indi bayquşlar ulayır”

Avropada mühacir həyatı yaşayan "Yeni Müsavat"ın sabiq müxbiri Elbəyi Həsənli Müsavatın sabiq başqanı İsa Qəmbəri sərt tənqid edib. E.Həsənlini özündən çıxaran sabiq başqanın narazıları xain adlandırması olub: "İsa Qəmbər də 20-30, hətta 40 il çiyin-çiyinə getdiyi şəxsləri xəyanətdə suçlayır. Bu qədər insana, xüsusən dostlarına satqın deyən özü-özünü lider kimi bitirib. Bundan sonra hansı axmaq sənin dalınca gedər, cənab İsa Qəmbər?" E.Həsənli hesab edir ki,  sabiq başqanın Arif Hacılını dəstəkləməsi yanlışdır: "Sizin kənddə necədir, bilmirəm. Bizim kənddə alçağın yanında dayanana kişi demirlər. Və sən Arif Hacılı kimi birinin yanında yer almısan. Ona görə də Müsavat Partiyasının xarabalıqlarında indi bayquşlar ulayır..."

Təklifinizi, şikayətinizi bizə yazın. Sizi dinlərik. 050 333 88 00