Mədəniyyət
.jpg)
XIX əsrə aid tikmə nümunələri təqdim olunacaq
Sentyabrın 4 və 20 – də Azərbaycan Xalça Muzeyində kaytaq və usişin tikmə nümunələrindən ibarət sərgi təşkil olunacaq. Muzeydən “Olaylar” – a bildirilib ki, müasir müəllif işləri ilə yanaşı, XIX əsrə aid bir neçə tikmə nümunəsi də təqdim olunacaq. Parça, tikmə və milli geyimlərin bərpası “Azərbaycanın mədəni sərvəti” layihəsinin bir proqramıdır. Proqram YUNESKO üzrə Azərbaycan Respublikasının Milli Komissiyası, Mədəniyyət və Turizm Nazirliyi, Xalça Muzeyi və ICOM Azərbaycan Milli Komitəsinin birgə təşkilatçılığı ilə həyata keçirilir.
Muzeydə ustad dərsləri
Sentyabrın 4 və 20 – də Xalça Muzeyində “Azərbaycanın mədəni sərvəti” layihəsi çərçivəsində Dağıstanın tanınmış kaytaq və usişin tikmə növləri üzrə mühazirələr və ustad dərslər təşkil olunacaq. Muzeydən “Olaylar” – a bildirilib ki, dərslər tikmə və geyim üzrə bərpaçı-mütəxəssis, kolleksioner, müstəqil sərgi kuratoru Raisat İsmayılova tərəfindən keçiriləcək. R. İsmayılova 1996-cı ildən A. Taxo-Qodi adına Dağıstan Dövlət Birləşmiş Tarix və Memarlıq Muzeyində, 2011-2015-ci illərdə P.S. Həmzətova adına Dağıstan Təsviri İncəsənət Muzeyində və Etnik Mədəniyyət Mərkəzində çalışıb, bir sıra sərgilərin kuratoru və nəşr layihələrə rəhbərlik edib. Hal-hazırda bacısı Cəvqərət Monakova ilə birgə Dağıstanın qədim tikmələrindən biri sayılan kaytaq və usişin tikmə növləri üzrə ustad dərslər keçirir, XIX əsrə aid nadir tikmə növlərindən ibarət zəngin kolleksiyaya malikdir.
Nisə Qasımova: "Yerli seriallarımızı görəndə kanalı çevirirəm"
"İndi veriliş aparmaq dəb halını alıb. Mən bu dəbdə olmaq istəmirəm. İstəyirəm ki, yararlı aparıcı olum". Bu sözləri xalq artisti Nisə Qasımova deyib. Müğənni ATV-də yayımlanan və bir müddət əvvəl bağlanan "Mənim dünyam" proqramından danışıb.
Dünya ulduzu sarayda çıxış edəcək
Oktyabrın 18 – də dünya ulduzu Patrisiya Kaasın Azərbaycana səfəri gözlənilir. İfaçının Heydər Əliyev adına sarayada solo konserti ilə çıxış edəcəyi bildirilir.
“Jara” artıq başlayır
İyulun 28 – də Bakıda “Jara” Beynəlxalq musiqi festivalı start götürəcək. Dörd gün davam edəcək festivalda Qriqori Leps, Alla Puqaçova, Dima Bilan, Valeriya, LOBODA, Kristina Orbakayte, Filip Kirkorov, Sofiya Rotaru, Ani Lorak, Emin, Lolita, Vera Brejneva, Oleq Qazmanov və digər meqaulduzların eyni səhnəni bölüşəcəyi “Jara” həm iştirakçı və tamaşaçı kontingentinə, həm də müddətinə görə keçənilkindən fərqlənəcək.
Belarus yazıçıları Azərbaycan dilində çap olundu
"Mütərcim" nəşriyyatı tanınmış Belarus yazıçıları Nikolay Çergineç, Ales Badak və Georgi Marçukun kitablarını Azərbaycan dilində çap edib. Kitabları Azərbaycan dilinə tanınmış yazıçı və tərcüməçi Kamran Nəzirli çevirib. Nikolay Çergineçin "Oğullar" adlı kitabına yazıçının eyniadlı romanı daxil edilib. Çergineç Belarus ədəbiyyatına ilk dəfə olaraq milis detektivi janrını gətirib, bir neçə kinossenari və teatr tamaşasının müəllifi, Beynəlxalq Yazıçılar Cəmiyyətinin, Rusiya və Belarus yazıçılar ittifaqlarının həmsədridir. Azərbaycan oxucusuna təqdim olunan "Oğullar" romanı mənasız "əfqan müharibəsi"ndən bəhs edir.
Film Komissiyasının fəaliyyəti müzakirə olundu
Nizami Kino Mərkəzində Azərbaycan Film Komissiyası modelinin tətbiqi ilə bağlı tədbir keçirilib . “British Council Azərbaycan” 2015-ci ilin aprel ayından etibarən Avropa İttifaqının Mədəniyyət və Yaradıcılıq Proqramını reallaşdırır. Proqram çərçivəsində “British Council” Azərbaycanda kinematoqrafiya sahəsinin inkişaf etdirilməsi məqsədilə Film Komissiyası modelinin yaradılmasını nəzərdə tutan layihə həyata keçirir. “British Council” təşkilatının Azərbaycan üzrə direktoru Elizabet Vayt bildirib ki, proqramın məqsədi mədəniyyət və yaradıcılıq sektorlarının Azərbaycan və Şərq Tərəfdaşlığı proqramına daxil olan digər beş ölkədə humanitar, sosial və iqtisadi inkişafa davamlı töhfəsinin dəstəklənməsidir. “British Council” və onun tərəfdaşlarının həyata keçirdiyi proqram 2018-ci ilədək davam edəcək.
Azərbaycanlı olduğunu danan Ququş İFŞA OLUNDU
Avqustun 31-də Ermənistanda konsert verməyə hazırlaşan, əsl adı Faiqə Atəşin olan Ququşun Azərbaycanda kəskin şəkildə təndiq olunduğunu xəbər vermişdik. Əslən cənubi azərbaycanlı olan, amma özünü iranlı kimi təqdim edən ifaçı haqqında xeyli müzakirələrdən sonra daha bir fakt üzə çıxıb.
Muğamımız qürur mənbəyimizdi
Hər bir sevilən ifaçının, xanəndənin uğuru onu müşayiət edən istedadlı musiqiçilərdən asılıdı. Əgər musiqiçi xanəndəni istedadla və ruhla müşayiət etməzsə, bu zaman xanəndənin səsinin, ifasının gözəlliyi tamaşaçıları ovsunlaya bilməz. İstedadlı tar ifaçısı Ədalət Behbudov və kamança ifaçısı Pərviz Fərhadov ifaları ilə həm özlərinin, həm də müşayiət etdikləri xanəndələrin sənət gücünü nümayiş etdirməyi bacarıblar.
Nazir vətəndaşları qəbul edəcək
Avqustun 1- də Mədəniyyət və Turizm naziri Şəki Dövlət Dram Teatrında Şəki şəhəri, Balakən, Qax, Oğuz və Zaqatala rayonlarından olan vətəndaşların qəbulu keçiriləcək.
“Nar bağı” təqdim olunacaq
Avqustun 2-də Nizami Kino Mərkəzində “Nar bağı” filminin təqdimatı olacaq. Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında istehsal olunan filmin rejissoru İlqar Nəcəfdir.
Azərbaycanda ilk lazer proyektoru Park Cinema-da
Park Bulvar ticarət və əyləncə mərkəzində yerləşən Park Cinema kinoteatrında ilk yeni nəsil lazer kinoproyektoru quraşdırılıb. Bu haqda “Olaylar” – a kinoteatrlar şəbəkəsinin Marketinq üzrə Direktoru Musa Axundov xəbər verib. Adi proyektordan fərqli olaraq, yeni nəsil lazerli proyektor dolğunluq yaradır və kontrastlığı artırır, beləcə izləyiciyə böyük ekranda maksimal dərəcədə daha aydın görüntü izləməyə imkan yaradır. Proyektorun kontrastlığı artırması filmin görüntüsünə qərq olmağa imkan yaradır, eyni zamanda çox parlaq və çox tünd rəngləri və hamar rəng keçidlərini əks etdirir.
Çində Azərbaycanı layiqincə təmsil edən ADU tələbəsi
Azərbaycan Dillər Universitetinin Regionşünaslıq və beynəlxalq münasibətlər fakültəsinin Çinşünaslıq ixtisasının tələbəsi Ayan Kərimova hazırda Çinin Uxan Universitetində təhsilini davam etdirir. O, həmin şəhərdə keçirilən “Sakura” adlı Beynəlxalq Rəsm Sərgisi müsabiqəsində fərqləndirici sertifikata layiq görülüb. Universitetdən “Olaylar” – a bildirlib ki, ənənəvi olaraq hər il Uxanda keçirilən festivalda müsabiqə iştirakçılarının yağlı və sulu boya ilə işlənmiş rəsm əsərləri, fotoşəkilləri nümayiş olunub. Müsabiqədə 60-dan çox ölkəni təmsil edən tələbələr iştirak edib.
"Avroviziya -2018"-in yeri bəlli oldu
"Avroviziya-2018" mahnı müsabiqəsi Lissabonda keçiriləcək. Müsabiqə Portuqaliyanın paytaxtında mayın 8, 10 və 12-ində keçiriləcək. Həmçinin sayta müsabiqəyə həsr olunmuş rolik də yerləşdirilib. Xatırlıadaq ki, "Avroviziya-2017" nin qalibi Portuqaliya təmsilçisi Salvador Sobral idi. O, "Amor Pelos Dois" mahnısı ilə çıxış etmişdi.
Şəki halvası “Euronews” telekanalında
“Euronews” telekanalının “Postcards” proqramı Şəki halvası barədə süjet yayımlayıb. Süjetdə Şəki halvasının hazırlanmasından, özünəməxsus dadından söhbət açılır. Verilişin aparıcısı Avrora Velezin sözlərinə görə, əsl halvanı yalnız Azərbaycanda dadmaq mümkündür və hər regionun öz resepti var. Ən dadlı halva Şəkidə hazırlanır. Ağzının dadını bilən adam Şəki halvasına biganə qalmaz. Aparıcının həmçinin bildirir ki, Şəkidə halvanın resepti açıqlanmır. Bu resepti yalnız 200 ildir nəsillikcə halva hazırlayanlar bilir və el arasında onlara “halvaçı” deyilir.