Mədəniyyət
Türkoloqun irihəcmli əsərləri çap olundu
Akademik Tofiq Hacıyevin “Seçilmiş əsərləri” (II cild) adlı kitabı çapdan çıxıb. “Elm” nəşriyyatında çap olunan kitabın redaktoru akademik Nizami Cəfərovdur. Kitab müəllifin türkologiya sahəsindəki irihəcmli araşdırmalarını özündə cəmləşdirir. Nəşrə “Orxon dastanlarının şeir sənətkarlığı”, S.Kramerin “Tarix Şumerdə(n) başlayır”, Mikayıl Baştunun “Şan qızı dastanı”, Seyid Əhməd Cəmaləddin İbn Mühənnanın “Hilyətül-insan və həlbətül-lisan” əsərləri haqqındakı yazılar və müəllifin “Türklər üçün ortaq ünsiyyət dili” adlı monoqrafiyası daxil edilib.
İlqar Muradov – “Müdrik Yarat”
Avqystun 4 – də YARAT İncəsənət mərkəzində növbəti görüş keçiriləcək. Mərkəzin “Müdrik YARAT” layihəsinin qonağı əməkdar artist İlqar Muradov olacaq. Mərkəz bu dəfə əməkdar artistlə birgə “Yaxşı yox, pis yox, sadəcə fərqli” mövzusunda müzakirələr aparacaq.
Culian Barnsın məşhur romanı Azərbaycan dilində
Məşhur ingilis yazıçısı Culian Barnsın 2011-ci dünyanın ən nüfuzlu ədəbiyyat ödüllərindən sayılan “Buker” mükafatına layiq görülmüş “Aqibət duyğusu” romanı Azərbaycan dilində çap edilib. Kitabın tərcüməçisi “Dünya ədəbiyyatı” jurnalının baş redaktoru, ədəbiyyatşünas, tərcüməçi Seyfəddin Hüseynlidir. Kitab “TEAS Press Nəşriyyat evi” tərəfindən çap edilib. Culian Barns məşhur ingilis yazıçısı, esseisti və ədəbiyyatşünası, postmodernist ədəbiyyatın ən görkəmli nümayəndələrindən biridir. 1946-cı il, yanvarın 19-da İngiltərənin mərkəzi hissəsindəki Lester şəhərində doğulub. 1957-1964-cü illərdə London Şəhər məktəbində, sonra isə Oksford Universitetinin “Maqdalena” kollecində, müasir Qərbi Avropa dillər üzrə fakültədə oxuyub. 1968-c i ildə universiteti fərqlənmə ilə bitirən Culian Barnsın ilk bədii yazıları əsasən “Dən Kavana” təxəllüsü ilə nəşr etdirdiyi detektiv tipli hekayələr olub. Barns bir ara həyat yoldaşı Pət Kavananın soyadını özünə təxəllüs götürmüşdü.
"Daha yaxşı bir dünya xəyal et" adlı müsabiqə
Avropa Birliyinin nümayəndə heyəti "Xəyal et Avropa Tolerantlıq" festivalı çərivəsində Azərbaycanda "Daha yaxşı bir dünya xəyal et" adlı video və foto müsabiqə təşkil edir. Azərbaycan Fotoqraflar Birliyindən "Olaylar" - a bildirilib ki, müsabiqənin keçirilməsində məqsəd gənc film tərtibatçıları və fotoqrafların öz işləri vasitəsiylə tamaşaçıları ictimai məsələlərə və problemlərə dair daha geniş formada məlumatlandırmaqdır. Qeyd olunmuş mövzudan uzaq olan, eyni zamanda zorakılıq, pornoqrafiq və siyasi xarakter daşıyan foto və videolar müsabiqədən kənarlaşdırılacaq. Fotoraflar Birliyinin rəhbəri Mirnayib Həsənoğlu müsabiqə haqqında qısa məlumat verərkən qeyd etdi ki, müsabiqə iyul ayında müxtəlif media kanalları və sosial şəbəkələr vasitəsi ilə elan olunacaq.
“YARAT” -da görüş olacaq
Avqustun 2-də “YARAT” Müasir İncəsənət Mərkəzində Xalq Artisti Fəxrəddin Manafovla görüş keçiriləcək. Milli Kino Gününə həsr edilmiş görüşdə kinomuzun bugünkü vəziyyəti, habelə bu sahədə maraq doğuran digər mövzular müzakirə ediləcək. Həmin gün qonaqlar aktyorun rol aldığı “Təhminə” filmini izləyəcəklər. Ekran əsərinin nümayişindən sonra filmdəki ssenari və cərəyan edən hadisələr birlikdə təhlil olunacaq.
“Nar bağı” mükafatlara layiq görüldü mükafatlara layiq görüldü
Kinorejissor və kinossenarist İlqar Nəcəfin “Nar bağı” bədii filmi 13-cü Avrasiya Beynəlxalq Film Festivalında mükafatlarla təltif olunub. Kinostudiyadan "Olaylar" - a bildirilib ki, Qurban İsmayılov “Ən yaxşı kişi rolu” mükafatına, film isə “Münsiflər heyətinin xüsusi mükafatı” və FIPRESCI (Beynəlxalq Kinotənqidçilər Federasiyası) tərəfindən “Xüsusi vurğulama”ya layiq görülüb. Film festivalın əsas müsabiqə proqramında təqdim olunub. “Nar bağı” bədii filmini Mədəniyyət və Turizm Nazirliyinin sifarişi ilə Cəfər Cabbarlı adına "Azərbaycanfilm" kinostudiyası və “Buta Film” kino şirkəti birgə istehsal edib. Filmin ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu rejissoru İlqar Nəcəf, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir.
"Analar qızını ərə vermək üçün nələr edir" - Səidə
Yaxşı əl qabiliyyətim olsa da, ərə getməyənlər sırasındayam. İndi qızlar dəhşətdir, ərə getməyə can atırlar. 20 yaşında qız 30-40 yaşında kişiyə ərə gedir".
Aygün Kazımova ilə modelyer arasında qalmaqal: "Haqqımı halal etmirəm"
Xalq artisti, pop diva Aygün Kazımova və başqa bir dizayner şəxsi İnstagram səhifəsində Şəlalə Maqsudovanın İlqarə Kazımovaya 9 ay əvvəl tikdiyi paltarı geyinib fotosessiya edib. Əsas məsələ isə bu paltarın dizayneri olaraq Şəlalə Maqsudovanın deyil Türkiyədə və Azərbaycanda yetərincə tanınan azərbaycanlı dizayner Rüfət İsmayılın adının qeyd edilməsidir.
Onlar mükafatlandırılacaq
Avqustun 2 – si Milli Kino Günü ilə əlaqədar olaraq Azərbaycan Respublikası Kinematoqrafçılar İttifaqı bir qrup kino xadimlərinə uzun müddətli səmərəli fəaliyyətlərinə görə pul mükafatları təqdim edəcək. “Olaylar” İttifaqa istinadən bildirir ki, mükafatlar veteran və yubiliyar kino xadimlərinə təqdim olunacaq. Yubiliyarlara mükafat olaraq 450, veteranlara isə 200 manat məbləğində mükafat ayrılıb. Mükafatçı yubiliyarlar: Xalq artisti Yalçın Heydər oğlu Əfəndiyev, xalq rəssamı Rafiq Əliş oglu Nəsirov, Əməkdar İncəsənət xadimləri Rəfail Əli oğlu Qəmbərov, Ənvər Abbasqulu oğlu Əbluç.
Müğənnilərin toy qiymətləri – Yeni siyahı
Müğənnilərin toy qiymətləri hər zaman aktual mövzulardan olub. Lakin ölkədə baş verən müəyyən valyuta və qiymət dəyişiklikləri az da olsa, ulduzların toy qiymətlərinə təsir edib.
ECHO Klassik 2017 Mükafatının sahibi – Fazil Say
25 – cisi təşkil edilən ECHO Klassik musiqi mükafatına məşhur türtkiyəli pianoçu və bəstəkar Fazil Say layiq görülüb. Bu haqda bəstəkar öz sosial şəbəkə hesabından məlumat verib. Festival Salzburgun məşhur konsert salonu Mozarteumda təşkil olunub. Qeyd edək ki, bu günə qədər dörd dəfə ECHO Mükafatının sahibi olan Fazıl Say daha əvvəl 2012-ci ildə "İstanbul Senfonisi" əsəri ilə, 2008-ci ildə skripka sənətçisi Patricia Kopatchinskaja ilə ifa etdiyi "Say Kopatchinskaja: Beethoven Ravel Bartok Say" albomu ilə ən yaxşı kamera musiqisi mükafatına, 2001-ci ildə isə Stravinski 'Bahar Ayini' qeydi icrası ilə ən yaxşı şərhçi mükafatını almışdı.