Mədəniyyət
Məleykə Əsədova Ramiz Məlikdən apellyasiya şikayəti verib
Xalq artisti Məleykə Əsədova ilə xalq artisti Ramiz Məlik arasında məhkəmə çəkişməsi davam edir. M.Əsədovanın yeni vəkili Ceyhun Yusifov "Report"a açıqlamasında bildirib ki, Nəsimi Rayon Məhkəməsinin qərarından apellyasiya şikayəti verilib. Müdafiəçinin sözlərinə görə, Bakı Apellyasiya Məhkəməsinə təqdim edilən apellyasiya şikayətində müvəkkilinin 200 min manat məbləğində təzminatının təmin edilməsi istənilir.
Bu əsərlərin keçmiş sahibləri axtarılır
Müxtəlif dövrlərə və üslublara aid 31 rəsm əsəri Luvr muzeyinin daimi ekspozisiyasına daxil edilib. Bu məqsədlə iki xüsusi zal ayrılıb. Həmin əsərlərin hamısı alman işğalı zamanı fərdi şəxslərdən müsadirə olunub və Fransadan aparılıb. Hazırda bu rəsm əsərlərinin keçmiş sahiblərini tapmaq muzeyin əsas məqsədidir.
Kinonun 120 illiyi qeyd olunacaq - Sərəncam
Prezident İlham Əliyev yanvarın 31-də Azərbaycan kinosunun 120 illik yubileyinin keçirilməsi haqqında Sərəncam imzalayıb. Sərəncamda neft Bakısına dair ilk xronikal süjetlərin nümayişi ilə başlayan Azərbaycan kino sənətinin təşəkkül tapdığı vaxtdan etibarən böyük inkişaf yolu keçdiyi və ötən müddət ərzində xalqın mədəni-mənəvi həyatında özünəməxsus mövqe qazandığı qeyd olunur.
Muğam Mərkəzində Gənclər günü
Beynəlxalq Muğam Mərkəzində “Mədəniyyət” kanalı, Azərbaycan Milli Konservatoriyası və Beynəlxalq Muğam Mərkəzinin birgə təşkilatçılığı ilə 2 fevral - Gənclər gününə həsr edilmiş konsert keçirilib. "Mədəniyyət" kanalının direktoru, Əməkdar Artist Ramil Qasımov ulu öndər Heydər Əliyev tərəfindən təsis olunan bu günün ildən-ilə daha geniş şəkildə qeyd edildiyini söyləyib.
Gənclər günü ərəfəsində teatrda görüş
2 fevral Gənclər günü ərəfəsində Azərbaycan Dövlət Gənc Tamaşaçılar Teatrının kollektivi Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun üzvlərinin iştirakı ilə “Ağ ölüm” tamaşasını təqdim edib. Olaylar.az bildirir ki, tamaşadan öncə idarənin məsul işçisi Raqif Allahverdiyev və ADGTT-nın gənclərlə və yeniyetmələrlə iş üzrə pedaqoq-təşkilatçısı, Əməkdar artist Ötkəm İsgəndərov çıxış edərək bildirdilər ki, müasir dövrümüzdə insanlıq üçün böyük bəla olan narkomaniya bütün dünyada geniş yayılıb.
Nazirlik müsabiqəsi elan edir
Mədəniyyət və Turizm Nazirliyinin təşkilatçılığı ilə şəhər (rayon) mərkəzi kitabxanalarında ədəbi dilimizin formalaşmasında mühüm rol oynamış Azərbaycanın böyük mütəfəkkiri və şairi İmadəddin Nəsiminin yaradıcılığına həsr olunan respublika üzrə məktəblilər arasında “Nəsimi poeziyası” adlı bədii qiraət müsabiqəsi keçiriləcək.
“Kölgələr vadisi” geyim kolleksiyası nümayiş olundu
Azərbaycan Dövlət Mədəniyyət və İncəsənət Universitetinin “Böyük səhnə”sində “Rəssamlıq” fakultəsinin “Geyim dizaynı” ixtisası üzrə III və IV kurs bakalavr tələbələrinin semestr proqramının yekunu olaraq “Kölgələr vadisi” geyim kolleksiyasının nümayişi baş tutub. Olaylar.az bildirir ki, universitetin rektoru, professor-müəllim, tələbə və digər dəvətli qonaqların iştirak etdiyi nümayiş “Dizayn və dekorativ tətbiqi sənət” kafedrasının dosenti, sənətşünaslıq üzrə fəlsəfə doktoru Aysel Əzizovanın rəhbərliyi ilə təqdim edilib.
Elza İbrahimovanın 80 illik yubileyi keçiriləcək
Fevralın 21-də Heydər Əliyev Sarayında Azərbaycanın tanınmış bəstəkarı, xalq artisti, əməkdar incəsənət xadimi Elza İbrahimovanın 80 illik yubileyi keçiriləcək. Yubiley gecəsində xalq artistləri Flora Kərimova, Yalçın Rzazadə, Brilliant Dadaşova, Gülyaz Məmmədova, əməkdar artistlər Ramil Qasımov, Tünzalə Ağayeva, İlqar Muradov, Lalə Məmmədova, Aqşin Abdullayev, İsfar Sarabski, Rəşad İlyasov, tanınmış ifaçılar Ayaz Qasımov, Nadir Qafarzadə, Zamiq Hüseynov, Fuad Musayev, Zabitə Alıyeva, Vüsalə Əsgərova, Aynur İsgəndərli, Çinarə Məlikzadə, Sərxan Bünyadzadə, Kənan Qədimov, Aytən Məhərrəmova, Nicat Cəfərzadə və başqaları iştirak edəcəklər. Konsertdə tamaşaçılar musiqi mədəniyyətimizin inkişafına böyük töhfələr vermiş Elza İbrahimovanın biri-birindən gözəl və sevilən musiqilərini dinləyəcək.
Xocalı uşaqlarına həsr olunmuş film holland dilinə tərcümə edilib
Xocali uşaqlarına həsr olunmuş film Niderland Krallığında fəaliyyət göstərən Odlar Yurdu Cəmiyyəti tərəfindən holland dilinə tərcümə edilib. Bu barədə “OLAYLAR”-a məlumat verən cəmiyyətin sədri Frəngiz Bağırova deyib ki, sözügedən filmin holland dilinə tərcümə edilməsi təşəbbüsü Xocalı faciəsinin 25-ci ildönümü münasibətilə Hollandiyada keçirilən anım tədbirləri zamanı səsləndirilib: “Keçən il Ermeni Təcavüzünün Tanıdılması Ictimai Birliyinin sədri Səriyyə Cəfərova Hollandiyada gonaqımız oldu. Həmin vaxt diaspora islərində 5 fəal təskilat bir araya gələrək Xocalı soygırımının 25-ci ildönümünü böyük bir proqramla qeyd etdik. Həmin proqramda Səriyyə Cəfərova Xocalı soygırımın şahidi olaraq istrak etdi və film Holland cəmiyyətinə nümayiş olundu. Daha sonra o, filmin Holland dilinə tərcümə edilməsi arzusunu bildirdi.
Aktyorları mükafata layiq görülüb
Zirvə Ziyalılar Təşkilatının yaranmasının 26-cı ildönümü münasibəti ilə keçirilən "Azerbaijan Best Awards" mərasimində 2017-ci ildə yaradıcılıq fəaliyyətləri ilə fərqlənən incəsənət, şou-biznes və müxtəlif sahələrin nümayəndələrinə mükafatlar təqdim olunub. Tədbirdə Musiqili Teatrın iki aktyoru – sevimli gülüş ustası, Əməkdar artist Çingiz Əhmədov “Ən yaxşı aktyor”, gənc olmasına baxmayaraq kifayət qədər tanınan Nicat Əli "İlin ən populyar televiziya serialı” nominasiyaları üzrə mükafatlara layiq görülüblər.
“Əri yoxdur, hamı da bilir kimin məşuqəsidir”- Aqil M.Quliyev
Tanınmış rejissor Aqil M.Quliyev azərbaycanlı aktrisaların erotik filmlərə çəkilməməsinin səbəblərini açıqlayıb. Açıqlama verən rejissor bildirib ki, yataq səhnələri üçün çəkilən aktrisanın birinci növbədə mükəmməl bədən quruluşu olmalıdır: “Birincisi, aktrisa erotik filmə çəkilirsə, gözəl bədən quruluşu ilə göz oxşamalıdır.
"Lampa öz altını görmür" - Kərimlə Natavan Həbibi ARASINDA QALMAQAL
Kərim Abbasov 5 ildir küsülü olduğu müğənni Natavan Həbibinin “bostanına" növbəti dəfə daş atıb. Müğənni sosial şəbəkə vasitəsiylə Natavan Həbibiyə xəbərdarlıq göndərib. Kərim Abbasov ad çəkməsə də, sözlərinin Natavana ünvanlandığı məlum olub: “Bəzi müğənnilərdən xahişim var. Çox rica edirəm, ünvanıma daş atmayın. Xahiş edirəm, mənlə işiniz olmasın. Lampa öz altını görmür. Amma sizi yaxşı görürəm, tanıyıram. Əgər problem axtarmırsınızsa, öz taxta başınızda mənim adıma “stop” deyin. Bu, hədə-qorxu deyil. Sadəcə sizin biabır olmağınızı istəmirəm, bu, böyük bir məsləhətdir”.
Qara Qarayevin xatirəsi İstanbulda anılacaq
Fevralın 19-dan 23-dək İstanbulda Azərbaycanın görkəmli bəstəkarı, Xalq Artisti Qara Qarayevin 100 illiyinə həsr edilən tədbir keçiriləcək. Mədəniyyət və Turizm Nazirliyindən bildirilib ki, “İSTAD – İstanbul” Türkiyə-Azərbaycan Mədəniyyət Mərkəzinin dəstəyi ilə reallaşacaq tədbirdə Sumqayıt Regional Mədəniyyət və Turizm İdarəsi Abşeron rayon Xırdalan şəhər onbirillik musiqi məktəbinin kollektivi də iştirak edəcək.