Mədəniyyət
Gənc rejissor mükafatlandırıldı
Akademik Milli Dram Teatrının gənc rejissoru Əlif Cahangirli teatr sahəsindəki uğurlu fəaliyyətinə görə “Gənclər mükafatı”na layiq görülüb. Fevralın 2-də "Buta Palace"da Gənclər günü münasibətilə keçirilən tədbirdə Azərbaycan prezidentinin ictimai-siyasi məsələlər üzrə köməkçisi Əli Həsənov, Birinci vitse-prezidentin köməkçisi, Prezident Administrasiyasının Gənclər siyasəti və idman məsələləri şöbəsinin müdiri Yusuf Məmmədəliyev, mədəniyyət və turizm naziri Əbülfəs Qarayev, Gənclər və idman naziri Azad Rəhimov və digər dövlət, hökumət nümayəndələri iştirak edib. Olaylar.az bildirir ki, tədbirdə Gənclər və İdman Nazirliyi təhsil, elm və mədəniyyət sahələrində fəallığı ilə seçilən gəncləri, o cümlədən Əlif Cahangirlini mükafatlandırıb.
"Qara Qarayev" stansiyasında musiqili proqram təşkil ediləcək
"Bakı Metropoliteni"ndə SSRİ xalq artisti, bəstəkar Qara Qarayevin anadan olmasının 100 illiyi qeyd ediləcək. Bunu "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib. Onun sözlərinə görə, fevralın 5-də saat 17:00-dan 19:00-dək metronun dahi bəstəkarın adını daşıyan “Qara Qarayev” stansiyasında ilk dəfə musiqili proqram təşkil olunacaq.
Xətai Sənət Mərkəzində “Gənclər bizim gələcəyimizdir”
Xətai Sənət Mərkəzində 2 fevral – Azərbaycan Gəncləri Gününə həsr olunmuş “Gənclər bizim gələcəyimizdir” mövzusunda tədbir və sərgi olub. Tədbir Yeni Azərbaycan Partiyası Yasamal rayon təşkilatının, Dini Qurumlarla İş üzrə Dövlət Komitəsinin, Azərbaycan Rəssamlar İttifaqının və Xətai Sənət Mərkəzinin birgə təşkilatçılığı ilə keçirilib. Sərgidə 100-dən çox peşəkar və müxtəlif yaş qruplarından olan həvəskar rəssamın təsviri sənətin bütün janrlarını əhatə edən 300-ə yaxın əsəri nümayiş etdirilib.
“Yalquzaq” - kriminal-detektiv janrında ilk bədii film
Ölkəmizdə ilk kriminal-detektiv janrda bədii filmin çəkilişlərinə başlanılıb. Yalquzaq” adlı filmi gənclər arasında sağlam həyat tərzinin təbliği, milli mənəvi dəyərləri aşılmaq və yaradıcı-intellektual gənclərin aşkarlanması və dəstəklənməsi məqsədilə ekranlaşdırılır.
Kinematoqrafçılar İttifaqında növbəti iclası
Azərbaycan Respublikası Kinematoqrafçılar İttifaqının idarə heyətinin növbəti iclası keçirilib. İclasda qurumun sədri, Xalq Artisti, professor Şəfiqə Məmmədova, birinci katib Əməkdar İncəsənət Xadimi Cəmil Quliyev, Xalq artistləri Eldar Quliyev, Oqtay Mirqasım, Vaqif Mustafayev, Siyavuş Kərimi, Əməkdar İncəsənət Xadimi Ayaz Salayev, “Nərimanfilm” kinostudiyasının rəhbəri Nəriman Məmmədov, “Azərbaycanfilm” kinostudiyasının direktoru, Əməkdar İncəsənət Xadimi Müşfiq Hətəmov, “Azərbaycan Televiziya və Radio Verilişləri” Qapalı Səhmdar Cəmiyyətinin dizayn studiyasının rəhbəri, kinorejissor Yusif Quliyev iştirak ediblər.
Muğam Mərkəzində - “Göyərçin qanadları”
Fevralın 1-də Beynəlxalq Muğam Mərkəzində “Muğam və Mənəviyyat” adlı layihəsi çərçivəsində “Göyərçin qanadları” filminin təqdimatı olub. Təqdimat mərasimi “Mədəniyyət” kanalı və Muğam Mərkəzinin birgə təşkilatçılığı ilə gerçəkləşib. Gecədə Əməkdar İncəsənət Xadimi, sənətşünaslıq doktoru Sənubər Bağırova çıxış edərək filmlə bağlı fikirlərini bölüşüb. O deyib ki, “Çahargah” dəsgahı ekranlaşdırılaraq dinləyicilərin ixtiyarına verilib. Filmdə “Könül” ansamblının rəhbərliyi ilə tanınmış xanəndə Fəraməz Gərmrudi “Cahargah” muğamını ifa edib. F.Gərmrudi hər bir ifası ilə muğam sənətinin inkişafına və yaşamasına xidmət edən sənətkarlardandır. “O, Azərbaycancada 10 illik sənət fəaliyyəti müddətində çox işlər görüb.
Aygün Natavanla barışmağından danışdı
Xalq artisti Aygün Kazımova 9 ildən sonra barışdığı həmkarı Natavan Həbibi barədə açıqlama verib. Kazımova sənətçi ilə səmimi barışdıqlarını qeyd edib. O, "Çox gözəl atmosferdə səmimi barışıq oldu. Hamıya barışıq arzu edirəm" deyərək yayılan xəbərlərə qısa münasibət bildirib: Məşhur müğənni ötən həftə ad gününü qapalı keçirməsinin səbəbini də açıqlayıb: "Hər dəfə sənət dostlarım iştirak edib, mediaya açıq olub. Amma bu dəfə belə keçirmək istədim".
Bu da "Moşu"nun heç yerdə görmədiyiniz oğlu
"Bəxt üzüyü” filmində "Moşu” obrazı ilə tanınan xalq artisti Valeh Kərimovun oğlu Emil Kərimov kameramıza tuş gəlib. Açıqlama verən Emil atasının ona dəstək olduğunu bildirib: "Mən özüm Bakı Dövlət Universitetində Riyaziyyat fakültəsində təhsil almışam. Amma özüm 12 ildir AZTV-də çalışıram. Demək olar ki, mən də bu sənətə yaxınam. Atamın sahəsində işə düzəlmişəm, hər kəs mənə hörmətlə yanaşır".
Bəhram Bağırzadənin həkim xanımı və övladları - Fotolar
Əməkdar artist Bəhram Bağırzadənin bu dəfə ailəsi fotokameramıza tuş gəlib. Aktyorun xanımı Şəhla Bağırzadə, oğlu Cavid və qızı Tahirə kinoteatra yollanıblar.
Azərbaycan Cümhuriyyəti dövrünə aid etnoqrafik xalça
Milli Azərbaycan Tarixi Muzeyində Azərbaycan Cümhuriyyəti dövrünə aid etnoqrafik xalça mühafizə edilir. Xalça Qarabağ xalça məktəbinə məxsusdur. 1918-ci ildə Azərbaycan hökumətinin dəvəti ilə bolşevik-daşnak qüvvələri tərəfindən azərbaycanlılara qarşı törədilən soyqırımın qarşısını almaq üçün gələn türk ordusuna minnətdarlıq əlaməti olaraq toxunmuşdur. Ölçüsü 190x140 sm.-dir.
Brilliant Dadaşovanın müğənni bacısı gömrükdə saxlanılıb
Space telekanalında yayımlanan "Nahara qədər" verilişinin bugünkü qonağı xalq artisti Brilliant Dadaşovanın müğənni bacısı Lalə Dadaşovadır. Aparıcı Sevinc Əliyeva müğənni ilə bağlı ilginc açıqlamalar verib. O, sənətçinin Çexiyadan gələndə gömrükdə saxlanıldığını bildirib: "Lalə əlində torbalarla gələndə, onu gömrükdə saxlayıblar ki, "aç sumkaları baxaq". Camaat pal-paltar, ayaqqabı, cer-cehiz, bahalı xalı-xalça gətirər, bu da xırda muncuqlar gətirib".
Geyiminə görə tənqid edilən Mətanətin oriental rəqsi verilişə damğa vurdu - VİDEO
Yusif Ağayevin aparıcısı olduğu "10-dan sonra" verilişində qonaq olan Mətanət Əsədova yenə öz ampluasında olub. Tez-tez adı açıq-saçıq geyimi və açıqlamaları ilə qalmaqallarda hallanan Mətanət bu dəfə canlı yayıma oriental rəqsi ilə damğa vurub.
Qarabağ döyüşlərində istifadə olunmuş müşahidə cihazı muzeydə
Qarabağ döyüşlərində istifadə olunmuş müşahidə cihazı Milli Azərbaycan Tarixi Muzeyinə verilib. AMEA-nın Milli Azərbaycan Tarixi Muzeyində Azərbaycan tarixinin qanlı səhifəsi olan Ermənistan-Azərbaycan, Dağlıq Qarabağ münaqişəsinə həsr olunmuş materialların toplanılması və qorunması işi uğurla davam etdirilir.
Mətanət 17 günün içində xəstəlikdən arıqlayıb bu hala düşdü
Bu gün "10-dan sonra" verilişinin qonağı olan Mətanət Əsədovanın xarici görünüşündəki dəyişiklik diqqətdən yayınmayıb. Xanım sənətçi bu dəyişikliyin xəstəliyi ilə bağlı olduğunu bildirib.