“Könül İnciləri” təqdim olunacaq

Martın 24 - də Xətai Sənət Mərkəzində  Bakıda böyüyüb boya-başa çatmış gənc modelyer rəssam Könül İncinin “Könül İnciləri” adlı fərdi sərgisi  keçiriləcək. Könül İnci 1988-ci il 22 mart Bakı şəhərində anadan olub. O, 2006-cı ildə 299 saylı məktəbi bitirmiş, 2007-ci ildən moda sahəsində çalışmağa başlayıb. 2009-cu ildən Sarabski adına Mədəniyyət evində Fərhad müəllimdən rəssamlıq dərsləri alıb.

Martın 24 - də Xətai Sənət Mərkəzində  Bakıda böyüyüb boya-başa çatmış gənc modelyer rəssam Könül İncinin "Könül İnciləri" adlı fərdi sərgisi  keçiriləcək.

Könül İnci 1988-ci il 22 mart Bakı şəhərində anadan olub. O, 2006-cı ildə 299 saylı məktəbi bitirmiş, 2007-ci ildən moda sahəsində çalışmağa başlayıb. 2009-cu ildən Sarabski adına Mədəniyyət evində Fərhad müəllimdən rəssamlıq dərsləri alıb.

Bakı şəhərində keçirilən bir sıra qrup sərgilərin iştirakçısı olub. Həmçinin, 2016-cı ildə Lider Tv-də yayımlanan "Zövq savaşı" televiziya layihəsində 2-ci yeri tutmuşdur. Modelyer-rəssam hal-hazırda moda evində çalışır. Sərgidə gənc rəssamın 30-a yaxın əsərinin nümayiş olunacağı nəzərdə tutulur. Müxtəlif mövzulara toxunan gənc rəssam yağlı boya, qrafika, sulu boya və.s texnikaları ilə əsərlər yaratmışdır.