Beynəlxalq Muğam Festivalı çərçivəsində “Bayatı- Şiraz” muğamı səslənib

Beynəlxalq Muğam Mərkəzində “Muğam aləmi” V Beynəlxalq Muğam Festivalı çərçivəsində martın 12-də növbəti muğam axşamı təşkil olunub. Gənc xanəndə Arzu Əliyevanın ifasında “Bayatı-Şiraz” muğamı səsləndirilib.

Beynəlxalq Muğam Mərkəzində "Muğam aləmi" V Beynəlxalq Muğam Festivalı çərçivəsində martın 12-də növbəti muğam axşamı təşkil olunub.

Gənc xanəndə Arzu Əliyevanın ifasında "Bayatı-Şiraz" muğamı səsləndirilib.

Gənc ifaçını Rövşən Qurbanovun bədii rəhbərliyi ilə "Buta" instrumental ansamblı müşayiət edib.

Qeyd edək ki, yeddi əsas muğam dəstgahından biri olan "Bayatı -Şiraz"ı Üzeyir Hacıbəyli emosional baxımdan qəmli əhvali-ruhiyyə daşıyan muğam kimi xarakterizə edib.

"Muğam aləmi" V Beynəlxalq Muğam Festivalı martın 14-dək davam edəcək.