Muzeydə şagirdlər üçün “açıq dərs”
AMEA Hüseyn Cavidin Ev Muzeyində Bakı şəhər 6 nömrəli məktəb-liseyin şagirdləri üçün açıq dərs təşkil olunub. Açıq dərsdə məktəblilərə Azərbaycan ədəbiyyatının görkəmli nümayəndəsi, böyük dramaturq və filosof-şair Hüseyn Cavidin həyat və yaradıcılığı, o cümlədən Cavidlər ailəsi haqqında ətraflı məlumat verilib. Bundan əlavə, açıq dərsdə H.Cavidin ümumbəşəri problemləri humanizm mövqeyindən işıqlandıran mənzum faciələri və tarixi dramları, eləcə də muzeyin nəşrləri - “Cavidşünaslıq” araşdırmalar toplusu, “Turan Cavidin ömür salnaməsi”, “Azərbaycan qeyri-maddi mədəniyyət abidələri və Ərtoğrol Cavid” barədə də danışılıb.
AMEA Hüseyn Cavidin Ev Muzeyində Bakı şəhər 6 nömrəli məktəb-liseyin şagirdləri üçün açıq dərs təşkil olunub.
Açıq dərsdə məktəblilərə Azərbaycan ədəbiyyatının görkəmli nümayəndəsi, böyük dramaturq və filosof-şair Hüseyn Cavidin həyat və yaradıcılığı, o cümlədən Cavidlər ailəsi haqqında ətraflı məlumat verilib. Bundan əlavə, açıq dərsdə H.Cavidin ümumbəşəri problemləri humanizm mövqeyindən işıqlandıran mənzum faciələri və tarixi dramları, eləcə də muzeyin nəşrləri - "Cavidşünaslıq" araşdırmalar toplusu, "Turan Cavidin ömür salnaməsi", "Azərbaycan qeyri-maddi mədəniyyət abidələri və Ərtoğrol Cavid" barədə də danışılıb.
Daha sonra şagirdlər muzeyin zəngin eksponatları və geniş ekspozisiyası ilə yaxından tanış olublar.