Vətəndaşdan muzeyə hədiyyə

Milli adət-ənənələrimizin öyrənilməsində mühüm baza rolu oynayan Muzeyin Etnoqrafiya elmi fond şöbəsi daim yeni materiallarla zənginləşir.

Milli adət-ənənələrimizin öyrənilməsində mühüm baza rolu oynayan Muzeyin Etnoqrafiya elmi fond şöbəsi daim yeni materiallarla zənginləşir.

Muzeydən "Olaylar" - a verilən məlumata görə, bu günlərdə Muzeyə yeni etnoqrafik material - XIX əsrə aid təmbəki kisəsi təqdim olunub. Kisənin atlası sarı rəngli ipəkdəndi, yerliyi isə göy rəngli atlas parçadandı. Üzərinə güləbatın və ipək saplarla gül-çiçək arasında yerləşən quş rəsmlərindən ibarət tikmə salınıb.

Kisə Bakı şəhəri sakini Qabulova Elmira tərəfindən Muzeyə təqdim olunub və dövrün etnoqrafik mədəniyyətini öyrənmək baxımından xüsusi əhəmiyyətə malikdi.