Kriminal
Astara sakinindən tapança götürülüb
Astara sakinində odlu silah aşkar edilib. DİN-dən verilən məlumata görə, Lənkəran ŞRPŞ və Zəngilan RPŞ əməkdaşlarının həyata keçirdikləri əməliyyat-axtarış tədbirləri nəticəsində Astara rayon sakini Mahir Məmmədovdan "Makarov" markalı tapança aşkar edilərək götürülüb. Həmçinin Binəqədi RPİ 7-ci PB əməkdaşları tərəfindən 6-cı mikrorayon ərazisində yerləşən parkdan "Naqan" tipli tapança aşkar edilərək götürülüb.
Gürcülərlə azərbaycanlılar arasında kütləvi DAVA: Ölənlər var
Gürcüstanda azərbaycanlıların kompakt yaşadığı Marneuli rayonunda gürcülərlə azərbaycanlılar arasında kütləvi dava düşüb.
"Çovdarov dedi ki, sənə elə iynə vurduraram, ömür boyu..."
Ləğv edilmiş Milli Təhlükəsizlik Nazirliyinin sabiq başçısı Eldar Mahmudovun müavini olmuş Hilal Əsədovun "MTN işi" çərçivəsində şahid qismində istintaqa ifadə verdiyi barədə və həmin ifadənin məzmunu ilə bağlı mətbuatda ilkin məlumat yayılıb.
Daxili orqanında heroin aşkar edildi
İrandan gələn azərbaycanlı ölkəyə heroin keçirməyə cəhd edib. “Olaylar”ın Dövlət Gömrük Komitəsinin saytına istinadən verdiyi məlumata görə, Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşının üzərində şəxsi yoxlama zamanı onun daxili orqanında (düz bağırsağında) 1 ədəd bükümdə, xalis çəkisi 1,804 qram olan narkotik vasitə – heroin aşkar edilib. Faktla bağlı araşdırma aparılır.
Sabiq milli təhlükəsizlik nazirinin qardaşının məhkəməsi başlayıb
Naxçıvan Şəhər Məhkəməsində sabiq milli təhlükəsizlik naziri Vəli Ələsgərovun qardaşı Əli Ələsgərovun barəsində olan cinayət işi üzrə məhkəmə prosesi başlayıb.
Binəqədidə yanğın baş verən yaşayış binasını üzləyən şirkətin təsisçilərindən biri ifadə verib -YENİLƏNİB
Bu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmə prosesi davam etdirilib.
Azərbaycanda onlayn qumarxana aşkar edildi
Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinə Qusar rayonu ərazisində yerləşən çay evlərindən birində qanunsuz onlayn qumar oyunlarının təşkil edilməsi barədə əməliyyat məlumatı daxil olub.
Əvvəlcə evi qarət etdilər, sonra isə yandırdılar
Bərdə rayonunun Saatlı kəndində yaşayan İbrahim Abbasovun evindən məişət əşyaları və təmir-tikinti alətləri oğurlanıb, ev yandırılib. “Olaylar” Daxili İşlər Nazirliyinə istinadən xəbər verir ki, Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən həmkəndliləri Murad Abbasov, Müslüm Qasımov, Dinar Xasaylı və İslam Qəmbərov tutulublar. Faktla əlaqədar cinayət işi başlanılıb.
15 il axtarışda olan şəxs tutuldu
Bakıda 15 il axtarışda olan şəxs tutulub. Bu haqda Daxili İşlər Nazirliyinin (DİN) mətbuat xidmətindən verilən məlumatda bildirilib. Məlumata görə, Baş Cinayət Axtarışı İdarəsi, Binəqədi Rayon Polis İdarəsi və Ədliyyə Nazirliyi Penitensiar Xidməti əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Cavad Mustafayev saxlanılıb. O, 2001-ci il noyabrın 13-də İmran Məmmədovun ölümü ilə nəticələnən yol-nəqliyyat hadisəsini törətməkdə şübhəli bilinən "VAZ-2106" markalı avtomobilin sürücüsüdür.
Çovdarovun dəhşətli zorakılıqları - Xüsusi təyinatlıların əli ilə
Bir müddət əvvəl ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Nəzarət Baş İdarəsinin həbsdə olan sabiq rəisi Akif Çovdarovun cinayət işi üzrə yeni detallar üzə çıxmaqdadır.
“İnterpol” xətti ilə 13 il axtarışda olmuş azərbaycanlının cinayət işi məhkəməyə göndərilib
“İnterpol” xətti ilə 13 il axtarışda olduqdan sonra Rusiyada tutulub Azərbaycana ekstradisiya edilən şəxsin cinayət işinin ibtidai istintaqı başa çatıb.
Taleh Bağırovun müavinin istintaqı başa çatır
“Müsəlman Birliyi” təşkilatının sədri Tale Bağırovun müavini Elçin Qasımov və təşkilatın idarə heyətində təmsil olunan 11 nəfərin cinayət işi üzrə ibtidai istintaq yekunlaşmaq üzrədir.
Soyğunçuluq edən Sumqayıt sakini tutulub
Sumqayıt şəhərində soyğunçuluqla məşğul olan şəxs saxlanıb. DİN-dən verilən məlumata görə, Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 25-dən 31-dək olan müddətdə şəhər sakinləri Turanə Hacıyevanın çantasından 300 manat, 300 ABŞ dolları və sənəd, Mətin Bağırzadəyə məxsus kafedən mobil telefon oğurlamaqda, habelə Aynur Nəcəfovaya məxsus içərisində 500 manat pul və sənəd olan pul kisəsini soyğunçuluq yolu ilə almaqda şübhəli bilinən Sumqayıt şəhər sakini, əvvəllər məhkum olunmuş Samir Musayev tutulub.
13 velosiped oğurlayan şəxs ifşa olunub
Xətai RPİ 35-ci PB əməkdaşlarının həyata keçirdikləri əməliyyat-axtarış tədbirləri nəticəsində mayın 17-də Bakı şəhər sakini Dövlət Kazımova məxsus velosipedi oğurlamaqda şübhəli bilinən paytaxt sakini Zaur Süleykin tutulub.DİN-dən verilən məlumata görə, ətrafında aparılmış əməliyyat tədbirləri ilə onun həmyerlisi Aleksandr Qavryuşinlə birgə iyul-oktyabr ayları ərzində paytaxt sakinləri olan daha 12 nəfərə məxsus velosipedləri oğurlamaları da müəyyən edilib.