Kriminal
Odlu silahı polisə könüllü təhvil verib
Nardaran sakini qəsəbə ərazisindən odlu silah tapıb. DİN-dən verilən məlumata görə, Sabunçu rayonunun Nardaran qəsəbə sakini Ələddin Əsədov tapdığı nömrəsi silinmiş ov tüfəngini və 9 ədəd patronu könüllü olaraq 42-ci PB-yə təhvil verib.
Xadimənin çantasını oğurlayan ələ keçib
Noyabrın 3-də Xətai rayonu ərazisində yerşələn mağazalardan birinə gəlmiş naməlum şəxs orada xadimə işləyən Bakı şəhər sakini Ülkər Məhərrəmovaya məxsus içərisində 400 manat pul olan çantanı soyğunçuluq yolu ilə aparıb. DİN-dən verilən məlumata görə, Xətai RPİ 36-cı PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Lerik rayon sakini, əvvəllər məhkum olunmuş Fikrət Feyziyev tutulub. Araşdırma aparılır.
Bakıda 19 yaşlı qız maşın qaçırdı
Noyabrın 3-də Sabunçu rayonunun Zabrat qəsəbəsindən Bakı şəhər sakini Natiq Zülfüqarova məxsus "Mercedes" markalı avtomobil qaçırılıb. DİN-dən verilən məlumata görə, DİN-in Təhlükəsiz Şəhər Xidməti əməkdaşları tərəfindən həmin avtomobilin Q.Qarayev prospektində hərəkətdə olması aşkar edilib. Bakı BPİ DYPİ əməkdaşları tərəfindən görülmüş tədbirlərlə avtomobil saxlanılaraq onu idarə edən Bakı şəhər sakini, 19 yaşlı Aygün Hüseynova ilə birgə 15-ci PB-yə təhvil verilib.
Keçmiş məhkum “iş başında” yaxalandı
Noyabrın 3-də saat 03 radələrində Binəqədi rayonunun 8-ci mikrorayon ərazisində yerləşən apteklərdən birindən Binəqədi Rayon Mühafizə İdarəsinə həyəcan siqnalı daxil olub. DİN-dən verilən məlumata görə, dərhal hadisə yerinə gəlmiş RMİ əməkdaşları tərəfindən oradan oğurluğa cəhd göstərməkdə şübhəli bilinən Bakı şəhər sakini Hikmət Yusifov tutularaq 5-ci PB-yə təhvil verilib. Ətrafında aparılmış əməliyyat tədbirləri nəticəsində onun əvvəllər məhkum olunduğu müəyyən edilib.
Quldurluq edən 6 aydan sonra tutuldu
Cari il mayın 16-da Ağstafa rayon sakini Səmayə Baxşıyevaya məxsus evdən quldurluq yolu ilə 1800 manat və 13100 ABŞ dolları pul, habelə 1000 ABŞ dolları dəyərində qızıl əşyaları oğurlanıb. DİN-dən verilən məlumata görə, Baş Cinayət Axtarışı İdarəsi və Ağstafa RPŞ əməkdaşlarının həyata keçirdikləri əməliyyat-axtarış tədbirləri nəticəsində aparmaqda şübhəli bilinən Yenigün kənd sakini Nəsib Tağıyev tutulub. Daha 1 nəfər isə müəyyən edilib. Hazırda əməliyyat-axtarış işləri davam edir.
İnterpol 34 yaşlı azərbaycanlını axtarır
Daha bir azərbaycanlı İnterpol vasitəsilə axtarışa verilib. Olaylar.az Trend-ə istinadən bildirir ki, Bakı şəhərində anadan olan, 1982-ci il təvəllüdlü Emin Səmədov külli miqdarda ziyan vurmaqla dələduzluqda ittiham olunur.
Çantasında narkotik keçirmək istədi
Astara Gömrük İdarəsinin Gömrük hüquqpozmalarına qarşı mübarizə şöbəsinə daxil olmuş əməliyyat məlumatı əsasında, İran İslam Respublikasından Azərbaycan Respublikasına piyada gələn Azərbaycan vətəndaşı saxlanılıb. “Olaylar”ın Dövlət Gömrük Komitəsinin saytına istinadən verdiyi məlumata görə, vətəndaşın əl yüklərinə baxış zamanı onun çantasında 200 ədəd həb şəklində metadon adlı dərman preparatı aşkar olunub. Xatırladaq ki, metadon adlı dərman preparatı “Azərbaycan Respublikasının ərazisində dövriyyəsi məhdudlaşdırılan narkotik vasitələr”in II Siyahısına daxildir və 200 ədəd həbdə metadonun təsiredici maddəsi 4 qram təşkil edir. Faktla bağlı araşdırma aparılır.
Akif Çovdarovun cinayət işində zərərçəkmiş kimi tanınan iş adamının məhkəməsi qapalı keçirilib
Bu gün Bakı Ağır Cinayətlər Məhkəməsində dələduzluqda təqsirləndirilən “Real MTK”-nın təsisçisi və rəhbəri İlham Qasımovun cinayət işi üzrə məhkəmə prosesi davam etdirilib.
Akif Çovdarov və digərlərinin dövlətə vurduqları ziyanın məbləği məlum olub
Bir müddət əvvəl ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrinə Nəzarət İdarəsinin həbsdə olan rəisi Akif Çovdarov və digərlərinin törədikləri cinayət əməli nəticəsində dövlətə vurduqları ziyanın məbləği açıqlanıb.
Rusiyada cinayət törədən şəxs Azərbaycanda tutulub
Rusiya hüquq-mühafizə orqanları tərəfindən axtarışda olan şəxs Azərbaycanda saxlanılıb. Daxili İşlər Nazirliyinin mətbuat xidmətindən APA-ya verilən məlumata görə, Baş Cinayət Axtarışı İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rusiya Federasiyası Cinayət Məcəlləsinin 11-ci maddəsi (qəsdən sağlamlığa ağır zərər vurma) maddəsi ilə axtarışda olan Mübariz Tağıyev tutulub. Olaylar.az
Akif Çovdarovun qızı və oğlunun istintaqa verdiyi ifadələr - İTTİHAM AKTINDAN
Bir müddət əvvəl ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrinə Nəzarət İdarəsinin həbsdə olan rəisi Akif Çovdarov və digərlərinin cinayət işi üzrə A. Çovdarovun qızı və oğlu şahid kimi ifadə veriblər.
Akif Çovdarov: "Döymədim, başa saldım..."
Ləğv edilmiş Milli Təhlükəsizlik Nazirliyinin generalı Akif Çovdarovun ittiham olunduğu cinayət əməlləri üzrə yeni epizodlar bəlli olub. Olaylar.az bildirir ki, qafqazinfo Çovdarovun Badamdar qəsəbəsində torpaq sahəsinin ələ keçirilməsi ittihamı ilə bağlı ifadəsini əldə edib.
Deputatdan ölüm və kütləvi dava xəbərlərinə REAKSİYA
Gürcüstanda azərbaycanlıların kompakt yaşadığı Marneuli şəhərində ölüm hadisəsi baş verib. Məlumata görə, Marneulinin mərkəzi bazarında azərbaycanlı qadın Məlahət Məmmədova vəfat edib. Onun döyülərək öldürüldüyü iddia edilir.
Dələduzluqda təqsirləndirilən sahibkar azadlığa buraxılıb
Bu gün Bakı Ağır Cinayətlər Məhkəməsində dələduzluqda təqsirləndirilən Nuridət Əfəndiyevin cinayət işi üzrə məhkəmə prosesi başa çatıb. "Report"un məlumatına görə, hakim Zeynal Ağayevin sədrliyi ilə keçirilən prosesdə hökm oxunub.
Axtarışda olan şəxs tutulub
Rusiyada axtarışda olan şəxs Azərbbaycanda saxlanıb. DİN-dən verilən məlumata görə, Baş Cinayət Axtarışı İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rusiya Federasiyası Cinayət Məcəlləsinin 162-ci (quldurluq) maddəsi ilə axtarışda olan Asif Nəbiyev tutulub.