Evdən pul oğurlayan şəxs ələ keçib

Lənkəran şəhəri ərazisindəki evlərin birindən pul oğurlamaqda şübhəli bilinən şəxs saxlanıb. DİN-dən "Olaylar"a verilən məlumata görə, Lənkəran Şəhər Rayon Polis Şöbəsi  əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisindəki evlərin birindən 3800 manat pul oğurlamaqda şübhəli bilinən şəxs saxlanıb. Həmin şəxsin Lerik rayon sakini N.Məmmədov olduğu müəyyən edilib. Faktla bağlı araşdırma aparılır.