Bank kartını oğurlayıb pulunu çıxardı

Daha bir bank kartının oğurlanması faktı qeydə alınıb. Daxili İşlər Nazirliyindən "Olaylar"a verilən məlumata görə, Sumqayıt ŞPİ-nin 3-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində fevralın 24-də Binəqədi rayonunun Sulutəpə qəsəbəsi ərazisindəki kafelərin birində Qobustan rayon sakini N.Həsənovun cibindən bank kartını oğurlayıb. O daha sonra vətəndaşın hesabındakı 2400 manatı çıxararaq mənimsəməkdə şübhəli bilinən Bakı şəhər sakini, əvvəllər də oğurluğa görə məhkum olunmuş Fuad Nəsirov müəyyən edilərək saxlanılıb. Hazırda araşdırma aparılır.