Bakıda azyaşlı qız cinsi zorakılığa məruz qalıb

Bakıda 12 yaşlı azyaşlının cinsi zorakılığa məruz qalması barədə məlumat yayılıb.

Olaylar.az xəbər verir ki, Baş Prokurorluqdan bildirilib ki, paytaxtın Suraxanı rayon sakini 2010-cu il təvəllüdlü azyaşlının cinsi zorakılığa məruz qalması ilə bağlı anasının müraciəti əsasında Suraxanı rayon prokurorluğunda aparılmış araşdırma nəticəsində Cinayət Məcəlləsinin 150.3.3-cü maddəsi ilə cinayət işi başlanıb.

Cinayət işi ibtidai istintaqın aparılması üçün aidiyyəti üzrə rayon Polis İdarəsinin İstintaq Şöbəsinə göndərilib.

Hazırda zəruri istintaq-əməliyyat tədbirləri davam etdirilir.