Ana və iki övladını qətlə yetirən şəxs saxlanıldı-RƏSMİ

Olaylar.az xəbər verir ki, paytaxtın Nizami rayonunda törədilən qətl hadisəsində şübhəli bilinən şəxs saxlanılıb. Bu barədə Elşad Hacıyev öz facebook hesabında paylaşım edib.

Paylaşımda deyilir ki, "Paytaxtın Nizami rayonunda 1983-cü il təvəllüdlü Gülnar Qaraxanova və onun övladları - 2008-ci il təvəllüdlü Lamiyə Qaraxanlı, 2011-ci il təvəllüdlü Ataxan Qaraxanlını qətl etməkdə şübhəli bilinən 1981-ci il təvəllüdlü Əhəd Əliyev polis əməkdaşları tərəfindən keçirilən intensiv əməliyyat-axtarış tədbirləri nəticəsində az öncə saxlanılıb.

İlkin məlumata görə, qətlə yetirilən G.Qaraxanovanın bacısının əri olan Əhəd Əliyev cinayəti tamah məqsədi ilə törədib. Həmin şəxsin evdən apardığı pulun bir hissəsi olan 20 min manat da ondan dəlil kimi aşkar edilərək götürülüb".