Paytaxtda quldurluqla məşğul olan dəstə ifşa edilib

Yasamal RPİ-nin 28-ci Polis Bölməsinin əməkdaşları tərəfindən həyata keçirilən əməliyyat tədbirləri nəticəsində quldurluqla məşqul olan dəstə saxlanıb.

DİN-dən "Olaylar"a bildirilib ki, saxlanmış dəstə üzvləri A.Musayevin, A.Məmmədovun, N.Rəhimlinin və S.Ovçiyevin ətraflarında aparılan əməliyyat tədbirləri ilə onların noyabrın 14-dən 18-dək olan müddətdə "Qanlı Göl" adlanan ərazidə Bakı şəhər sakinləri Q.Nuriyevə, İ.İsmayılzadəyə, E.Hüseynova və Ordubad rayon sakini E.Əsgərliyə zor tətbiq edərək pul, qolbaq, qulaqcıq, gümüş boyunbağı almaları da müəyyən edilmişdir.