İrandan Azərbaycana narkotik vasitənin keçirilməsinin qarışı alınıb

Biləsuvar Gömrük İdarəsinin "Qoşa Təpə" gömrük postunda İrandan Azərbaycana gələn İran vətəndaşının idarə etdiyi "Scania" markalı sərnişin avtobusundakı yüklərə rentgen qurğusu ilə baxış keçirilib. Dövlət Gömrük Komitəsindən Mətbuat Xidmətindən "APA-Economics"ə verilən məlumata görə, baxış zamanı avtobusun yük yerindən boşaldılan üzəri dəri örtüklü yastığın içərisindəki parça və sellofan kəsiklərinin arasında kürə formalı 1 ədəd kütlə aşkar olunub. Həmin kütlə açıldıqda isə içərisində üzəri toz halında istiotla örtülü daha bir kürə formalı bükümdə, xalis çəkisi 495 qram olan narkotik vasitə - tiryək aşkar edilib. Faktla bağlı araşdırma aparılır.