Nazirlər sahibkarlarla görüşüb

İqtisadiyyat və Sənaye naziri Şahin Mustafayev və Kənd Təsərrüfatı naziri Heydər Əsədov Quba-Xaçmaz iqtisadi rayonunda fəaliyyət göstərən sahibkarlarla görüşüblər. Quba-Xaçmaz Regional İnkişaf Mərkəzində keçirilmiş görüşdə 40-a yaxın iri meyvə-tərəvəz istehsalçısı, emal müəssisələrinin və logistik mərkəzlərin rəhbərləri iştirak etmişdir. Görüşdə qeyri-neft sektorunun ixrac potensialına, rəqabətqabiliyyətli və ixracyönümlü məhsul istehsalına, ölkənin ixrac imkanlarının genişləndirilməsi istiqamətində həyata keçirilən dövlət dəstəyi tədbirlərinə, bu sahədə sahibkarların üzərinə düşən vəzifələrə dair müzakirələr aparılıb. ("OLAYLAR"İA)