“Günəşli” yatağındakı 45 nömrəli quyu istismara verilib

Bu günlərdə ölkəmizin neft-qaz sənayesində əhəmiyyətli rola malik "Günəşli" yatağındakı 6-cı özüldən 45 nömrəli quyu əsaslı təmirdən sonra istismara verilib. "OLAYLAR"-ın ARDNŞ-ə istinadən verdiyi xəbərə görə, quyu Qirməki Altı Lay dəstəsindən 3761-3725 metr intervaldan sutkalıq 186400 kubmetr qaz və 14 ton kondensat hasilatı ilə istismara daxil edilib. Quyuda istismar işləri "28 May" NQÇİ tərəfindən həyata keçirilir.