Təbii qazla təmin olunan abonentlərin sayı 1 milyon 677 minə çatıb

Azərbaycan Respublikası Dövlət Neft Şirkətinin "Azəriqaz" İstehsalat Birliyi tərəfindən istehlakçıların fasiləsiz və keyfiyyətli təbii qazla təchiz edilməsi, eləcə də abonent bazasının daha da genişləndirilməsi istiqamətində görülən işlərin nəticəsi olaraq martın 1-ə qədər ölkə üzrə təbii qazla təmin edilən abonentlərin sayı 1 676 885-ə çatıb.  "OLAYLAR"-ın ARDNŞ-ə istinadən verdiyi xəbərə görə, onların 1 656 397-i əhali, 20488-i isə qeyri-əhali sektoruna aiddir. Abonentlərin 711 487-i Bakı şəhəri, 965 398-i isə regionların  payına düşür. Təkcə 2014-cü ilin fevral ayı ərzində əhali sektoru üzrə 13 698 yeni abonent qeydiyyata alınıb ki, bunun da 4 902-si Bakı, Abşeron və Sumqayıt, 8 796-sı isə regionlar üzrədir.