“AtaBank” kimsəsiz uşaqlar üçün bayram şənliyi təşkil edəcək

"AtaBank" ASC martın 16-da  Korporativ Sosial Məsuliyyət sahəsində növbəti  aksiyasını keçirəcək. Bankdan "OLAYLAR"-a bildirilib ki,   bankın dəstəyi ilə valideyn himayəsindən məhrum olmuş kimsəsiz uşaqlar üçün Novruz bayramı şənliyi təşkil olunacaq. "Xəmsə" şadlıq sarayında baş tutacaq şənlikdə 300-dən artıq kimsəsiz uşağın iştirakı nəzərdə tutulub. Novruz şənliyində şən klounlar, kosa və bahar qızı uşaqlar üçün  əyləncəli oyunlar, viktorinalar keçirəcəklər. Tədbirin sonunda  uşaqlara  hədiyyələr veriləcək.