Ceyhan limanından dünya bazarına 2,3 milyon ton neft çıxarılıb

2014-cü ilin fevral ayı ərzində 2 milyon 252 min 897 ton Azərbaycan nefti Ceyhan limanından dünya bazarlarına çıxarılıb. Socar.az xəbər verir ki, bu həcmin 1 milyon 642 min 408 tonunu Azərbaycan Respublikası Dövlət Neft Fondunun nefti təşkil edib. Ümumiyyətlə, BTC istismara verilən gündən 2014-cü il mart ayının 1-ə qədər Ceyhan limanından 237 milyon 326 min 97 ton Azərbaycan nefti dünya bazarlarına yola salınıb.