“AtaSığorta”nın nizamnamə kapitalını 10 milyon manata çatdırılıb

Qiymətli Kağızlar üzrə Dövlət Komitəsi tərəfindən "Atasığorta" ASC-nin 2,4 milyon manat həcmində səhmləri qeydiyyata alınıb. Səhmdar Cəmiyyətdən "OLAYLAR"-a bildirilib ki, emissiya çərçivəsində nominal dəyəri 25 manat olan 96000 səhm buraxılıb. Bununla da şirkətin nizamnamə kapitalı 10 milyon manata çatıb. Nizamnamə kapitalının növbəti dəfə artırılması ilə bağlı "AtaSığorta" ASC-nin İdarə Heyətinin sədri Müseyib Əliyev bildirib ki,: AtaSığorta öz müştəriləri və tərəfdaşları qarşısında götürdüyü öhdəlikləri vaxtında yerinə yetirmək və özünün maliyyə sabitliyini təmin etmək üçün gələcəkdə də nizamnamə kapitalının artırılmasını davam etdirəcək.