Mərkəzi Bank hərrac keçirdi

Ölkənin əsas bankı 30 milyonluq qiymətli kağızı hərraca çıxarıb

Azərbaycanın Mərkəzi Bankının qısamüddətli notlarının yerləşdirilməsi üzrə bu gün Bakı vaxtilə saat 11-dən 12:30-dək hərrac keçirilib. Anspress-in məlumatına görə, Mərkəzi Bank ümumilikdə 30 milyon manatlıq not - qiymətli kağızı satışa çıxaracaq. Aprelin 29-da onun 5 milyon manatı üzrə hərrac baş tutub. Bir notun nominal dəyəri 100 manatdır. Alınmış notlar üzrə son ödəmə tarixi mayın 27-dir. 2014-cü ilin avqustundan dünya bazarında neft ucuzlaşıb. Bununla paralel dolların dəyəri digər məzənnələrə nisbətdə bahalanıb. Azərbaycanın Mərkəzi Bankı 2011-ci ildən 2014-cü ilin noyabrına qədər Mərkəzi Bankın valyuta ehtiyatları 4.5 milyard dollar artaraq 15 milyardı ötüb. Martın sonuna Mərkəzi Bankın valyuta ehtiyatı təxminən 9.5 milyard dollar olub.