BTC kəməri ilə 2,4 milyon ton Azərbaycan nefti nəql olunub

Ötən ilin dekabr ayında BTC kəməri ilə 2,4 milyon ton Azərbaycan nefti nəql olunub. "OLAYLAR"-ın ARDNŞ-ə istinadən verdiyi xəbərə görə, ötən ilin dekabr ayında BTC kəməri ilə 2,4 milyon ton Azərbaycan nefti nəql edilib. 2014-cü ilin dekabr ayı ərzində BTC əsas ixrac boru kəməri vasitəsilə 2 milyon 462 min 950 ton Azərbaycan nefti nəql olunub. Ötən ilin yanvar-dekabr aylarında isə bu kəmərlə 28 milyon 508 min 192 ton neft ötürülüb. Ümumiyyətlə, kəmər istifadəyə verilən gündən 2015-ci il yanvar ayının 1-ə qədər BTC-yə 263 milyon 649 min 785 ton neft vurulub. Bundan başqa, ötən ilin dekabr ayında BTC kəməri ilə ümumilikdə 644 min 134 ton Türkmənistan və Qazaxıstan nefti nəql olunub.