İdman
Nazim Babayev Universiadanın qalibi oldu
Azərbaycan atleti Nazim Babayev Tayvanda təşkil olunan tələbələrin 29-cu Dünya Yay Universiadasının qalibi adını qazanıb. Həmyerlimiz üçtəkanla uzunluğa tullanma yarışının qızıl medalına layiq görülüb. O, 17,01 m nəticə göstərməklə bütün rəqiblərini arxada qoyub. Babayev ən yaxın izləyicisini 4 sm qabaqlayıb.
"Qarabağ"ın "qurbanlar"ı eyni qrupda
Bu gün UEFA Avropa liqası quplarının püşkü atılıb. Püşk atma zamanı "Qarabağ"ın Çempionlar liqasında qalmaq üçün məğlub etdiyi rəqiblər "Şerif" və "Kopenhagen" eyni qrupda yer alıblar.
DÇ-2017: Hacı Əliyev finala yüksəldi
Azərbaycan güləşçisi Hacı Əliyev Parisdə güləş üzrə dünya çempionatının finalına yüksəib. 61 kq çəki dərəcəsində mübarizə aparan Hacı Əliyev 1/16 finalda qırğızıstanlı Alibek Osmonov (8:0), 1/8 finalda Yaponiya təmsilçisi Rinya Nakamura (10:1), 1/4-də isə slovakiyalı idmançı Mikola Bolotnyuk (10:0) üzərində inamlı qələbə qazanıb. Yarımfinalda kubalı Yovlis Bonne Rodrigesi vaxtından əvvəl - 2 dəqiqə 13 saniyəyə məğlub edən H.Əliyev finala yüksəlib. Digər təmsilçilərimiz Mahir Əmiraslanov (57 kq) 1/16, Aleksandr Qostiyev isə (86 kq) 1/4 finalda məğlub olublar.
De Rossi: "Qarabağ" Çempionlar Liqasında iştirak edirsə..."
"Roma"nın kapitanı Daniele De Rossi Çempionalr Liqasının püşkünü dəyərləndirib. Təcrübəli futbolçu "Qarabağ"ı tanımadığını bildirib. "Bir tərəfdən daha asan qrupa düşməmək bizi məyus edir. Digər tərəfdən Avropa nəhəngləri ilə qarşılaşmaq həyəcanverici olacaq. Motivasiyamız yüksəkdir, azarkeşlərə unudulmaz anlar yaşadacağıq. Hazırlaşmaq üçün vaxtımız var.
Taekvondo yığmamız Universiadanı 5 medalla başa vurub
Azərbaycan millisi Tayvanda təşkil olunan tələbələrin 29-cu Dünya Yay Universiadasında daha bir medal qazanıb. Apasport.az saytının məlumatına görə, ölkəmizin aktivinə növbəti mükafatı taekvondoçumuz Məhəmməd Məmmədov yazdırıb. 63 kq çəki dərəcəsində dayan üzərinə çıxan həmyerlimiz fəxri kürsünün 3-cü pilləsinə qalxıb. Belə ki, 1/16 finalda meksikalı Edqar Porras Reyesi mübarizədən kənarlaşdıran (21:5) Məmmədov növbəti döyüşdə Tay Tin Vinqdən (Honq Konq) üstün olub – 29:9.
Tahir Gözəl: "Qarabağ"ın uğurunun əsas səbəbi..."
"Qarabağ"ın vitse-prezidenti Tahir Gözəl Türkiyənin "Sabah" qəzetinə açıqlama verib. O, Azərbaycan futbolunun tarixində ilk dəfə olaraq Çempionlar Liqasını qrup mərhələsində mübarizə aparacaq Ağdam klubunun uğurunun səbəbindən və digər məsələlər barədə danışıb. T.Gözəl bugünkü səviyyəyə gəlmələrinin əsas səbəbinin səbr və sabitliyin olduğunu bildirib: "Qarabağ"la yanaşı, digər Azərbaycan klubları və ölkənin milli komandası son illərdə iştirak etdiyi turnirlərdə rəqiblərinə çətin anlar yaşadıb. Təbii ki bu nəticələrin davamlı olması bizim üçün çox önəmlidir. Lazım olan bütün işləri AFFA ilə iş birliyi nəticəsində görürük".
“Atletiko: "Yenidən Bakıya gedəcəyimiz üçün şadıq"
Çempionlar Liqasında "Qarabağ"la eyni qrupda yer alan Madrid “Atletiko”su Ağdam təmsilçisini təbrik edib. SİA-nın məlumatına görə, ispanlar “Twitter" səhifəsində ilk dəfə ÇL-in qrup mərhələsinə yüksələn “Qarabağ”a təbrik mesajı göndəriblər: “İlk dəfə Çempionlar Liqasının qrup mərhələsində iştirak edəcəyiniz üçün sizi təbrik edirik. Biz yenidən Azərbaycanın paytaxtı Bakıya gedəcəyimiz üçün şadıq".
"Qarabağ" Olimpiya stadionunda oynayacaqmı? - KLUBDAN AÇIQLAMA
Çempionlar liqasının qrup mərhələsində mübarizə aparacaq "Qarabağ" klubunun oyunlarını keçirəcəyi stadion dəyişməyəcək. Bu barədə "Qarabağ" klubunun mətbuat xidmətinin rəhbəri Nurlan İbrahimov məlumat verib. Klub rəsmisi bildirib ki, ev oyunlarının hamısı Tofiq Bəhramov adına Respublika stadionunda baş tutacaq. Nurlan İbrahimovun sözlərinə görə, "Qarabağ"ın 19 yaşlılardan ibarət komandası isə ev oyunlarını Suraxanıda, "Azərsun Arena"da keçirəcək.
Yığmamız Belarusa uduzdu
Minskdə təlim-məşq toplanışında olan 19 yaşadək qız futbolçulardan ibarət Azərbaycan yığması növbəti yoldaşlıq oyunu keçirib. Vüqar Əsgərlinin yetirmələri Belarusun U-19 komandası ilə qarşılaşıb. Bu rəqiblə ikinci dəfə qarşılaşan yığmamız yenə məğlubiyyətə üzülüb. İlk görüşdə 2:0 hesablı qələbə qazanan belaruslular bu dəfə 4:0 hesabı ilə qalib gəliblər.
""Qarabağ" hörmət ediləsi rəqibdir" - Françesko Totti
İtaliya futbolunun və "Roma"nın əfsanəsi Françesko Totti Çempionlar Liqasının qrup mərhələsinin püşkünü dəyərləndirib. Yayda futbolçu karyerasını bitirən sabiq milli üzvü "canavarlar"ın "Çelsi", "Atletiko" və "Qarabağ"la eyni qrupa düşməsindən danışıb. Hazırda "Roma" rəsmisi kimi fəaliyyət göstərən Totti bütün rəqiblərə hörmətlə yanaşdıqlarını qeyd edib: "Bilirik ki, "Çelsi", "Atletiko" və "Qarabağ" hörmət ediləsi rəqiblərdi. Biz həmişə rəqiblərə qarşı bu cür davranmışıq. Ancaq "Roma" ilə oyunlar onlar üçün uğursuz alına bilər".
Ronaldo: "Bu mükafatı yenidən almaq böyük şərəfdir"
"Real Madrid"in hücumçusu Kriştianu Ronaldo avqustun 24-də Monakoda baş tutan mərasimdə UEFA versiyasında ötən mövsümün ən yaxşı futbolçusu mükafatına sahib çıxıb. Portuqalialı ulduz növbəti dəfə Avropanın ən güclüsü olmasına belə münasibət bildirib: "Hər il mənim hədəflərim dəyişilməzdir.
"Qarabağ"ın qələbəsi dünyada əks-səda doğurdu
Azərbaycanın “Qarabağ” futbol klubunun avqustun 23-də Danimarkanın paytaxtı Kopenhagen şəhərində eyniadlı klubla UEFA Çempionlar Liqasının "pley-off" mərhəlində ümumi qələbə qazanaraq qrup mərhələsinə yüksəlməsi bütün dünyada böyük-əks səda doğurdu.
Azərbaycanın UEFA reytinqi açıqlandı
Avropa Liqasının pley-off mərhələsinin cavab oyunlarından sonra UEFA reytinqi açıqlanıb. Keçirilən 22 matç ölkəmizin mövqeyinə təsir etməyib. Azərbaycan 18.625 xalla 22-ci pillədə qalıb. Təmsilçilərimizin bu mövsümkü qazancı 3.875-dir.
