İdman
Bədii gimnastika komandamız Belçikada 5 medal qazanıb
Ötən həftənin sonu Belçikanın Gent şəhərində bədii gimnastika üzrə “Happy Cup” turniri keçirilib. Azərbaycan Gimnastika Federasiyasından verilən məlumata görə, yığma komandamız 4 qızıl və 1 bir gümüş medal qazanıb. Bütün medalları komandanın üzvü Zöhrə Ağamirova əldə edib.
Ronaldo Raulun rekordunu qırıb
“Real”ın futbolçusu Kriştiano Ronaldo yeni rekorda imza atıb. Məlumata görə, portuqaliyalı hücumçu La Liqada son 25 ildə ən çox məhsuldar ötürmə edən oyunçu olub. O, La Liqanın son turunda “Las Palmas”da görüşdə (3:0) 84-cü qol ötürməsini edib. Bununla da 32 yaşlı futbolçu sabiq komanda yoldaşı Raul Qonsalesin rekordunu (83 ötürmə) qırıb.
Onu qovdular - İl ərzində 2-ci dəfə
İtaliya A seriyasında növbəti məşqçi istefası baş verib. "Cenoa"nın baş məşqçisi İvan Yuriç istefaya göndərilib. O, "Sampdoriya"ya məğlubiyyətdən (0:2) sonra postundan uzaqlaşdırılıb.
"Formula-1”in biletləri satışa çıxarıldı
Gələn il 27-29 aprel tarixlərində Bakıda keçiriləcək Formula 1 Azərbaycan Qran Prisi üçün biletlərin satışına start verilib. Noyabrın 6-dan 2017-ci il dekabrın 31-dək həm xarici, həm də yerli avtoyürüş həvəskarları biletləri 20% endirimlə əldə edə biləcəklər. Bundan başqa, sırf yerli sakinlərə əlavə 25%-lik endirim də tətbiq olunur. İlkin endirim kampaniyası yalnız tribunaya olan və aprelin 26-29 tarixlərini əhatə edən 4 günlük biletlər üçün keçərlidir. İlkin endirim kampaniyası müddətində yerli sakinlər üçün tribunalara 4 günlük biletlərin qiyməti tribunadan asılı olaraq 160-600 AZN arasında dəyişir. Azyaşlılar üçün bu qiymət müvafiq olaraq 120-420 AZN təşkil edir.
Simone: "Qarabağ"dan aldığımız zərbədən sonra..."
"Atletiko" klubunun baş məşqçisi Dieqo Simone Çempionlar Liqasındakı təmsilçimiz "Qarabağ"la görüş zamanı bərabərlik, La Liqanın XI turunda isə "Deportivo" ilə matçda qələbə qoluna imza atan Tomas Parteyi təbrik edib.
Tanınmış futbolçu azadlığa çıxdı
Azərbaycanın ən titullu futbolçularından olan Faiq Cabbarov bu gün azadlığa buraxılıb. "Kəpəz" və "Şəmkir"lə dəfələrlə ölkə çempionu olan sabiq futbolçu 100 gün idi ki, həbsdə yatırdı. O, bu gün cəza müddətini başa vuraraq yenidən azadlığa çıxıb.
Messi "Barselona"da yubiley matçına çıxıb
"Barselona"nın hücumçusu Lionel Messi klubda yubiley matçına çıxıb. Primeranın 11-ci turunda "Sevilya" ilə oyun (2:1) argentinalı ulduzun "göy qırmızılar"da 600-cü oyunu olub. Messi bu baxımdan Xavi (767) və Andres İniestadan (643) geri qalır.
“Qarabağ” - “Çelsi” matçına nə qədər bilet satılıb?
Çempionlar Liqasının qrup mərhələsinin "Qarabağ" - "Çelsi" oyununa 30 min bilet satılıb. Bu barədə Ağdam klubunun rəsmi "Facebook" hesabında məlumat paylaşılıb. Görüş noyabrın 22-də keçiriləcək. Biletləri bu satış məntəqələrindən əldə edə bilərsiniz:
Azərbaycan Macarıstanı məğlub edib ikinci oldu
Azərbaycan kişilərdən ibarət yığma komandası Yunanıstanda keçirilən şahmat üzrə Avropa çempionatında mübarizəni davam etdirir. Noyabrın 3-də Ermənistan komandasını məğlub edən (VI) Azərbaycan şahmatçıları VII turda Macarıstan üzərində 3:1 hesabı ilə qələbə qazanıb.
Kamran Ağayev meydandan qovuldu
Çexiya çempionatında XIII turun oyunları keçirilir. Kamran Ağayevin çıxış etdyii "Mlada Boleslav" "Banik"in qonağı olub. 14-cü dəqiqədə hesabı açan "Mlada Boleslav" qələbə qazanıb - 1:0. Start heyətində yer alan Kamran Ağayev 73-75-ci dəqiqələrdə sarı vərəqə alaraq meydandan qovulub.
Qurban Qurbanovdan İSTEFA QƏRARI
Azərbaycan milli komandasının yeni baş məşqçisi Qurban Qurbanov AFFA İcraiyyə Komitəsindən ayrılmaqla bağlı qərar verib. Bu haqda Qol.az saytına açıqlamasında Q.Qurbanovun özü bildirib.
Ronaldo “İlin ən yaxşı bombardiri” seçilib
Real Madridin və Portuqaliya millisinin hücumçusu Cristiano Ronaldoya Beynəlxalq Futbol Tarixi və Statistikası Federasiyasının (İFFHS) versiyası üzrə “İlin ən yaxşı bombardiri” mükafatı təqdim edilib.
UEFA ən yaxşıları sıraladı - Siyahıda “Qarabağ” da var
Beynəlxalq Futbol Federasiyası (UEFA) Avropa klublarının 2017-2018-ci il siyahısını təqdim edib. Klublar UEFA-nın verdiyi xallara əsasən sıralanıb.
Qurban Qurbanov millidə nə qədər maaş alacaq?
"Qurban Qurbanovla müqavilənin maddi tərəfləri müzakirə olunmadı". Bu sözləri AFFA-nın baş katibi Elxan Məmmədov deyib. Baş katib bildirib ki, maliyyə məsələrində problem olmaycaq: "Maliyyə şərtləri ilə bağlı məsələni nə Qurban müəllim qaldırdı, nə də biz. Amma inanmıram ki, hansısa problem yaransın".
Qurban Qurbanov: "Hamının gözü millidədir"
"Rövnəq Abdullayevə, AFFA İcraiyyə Komitəsinin üzvlərinə təşəkkür edirəm. Hər kəsin arzusu millidə oynamaq və məşqçinin də istəyi milliyə rəhbərlik etməkdir. Hamının gözü millidədir. Azarkeşlər daha yaxşı nəticə istəyir. Bu, mənim üçün böyük məsuliyyətdir. Bu, bir ayın, bir ilin işi deyil. Uzun bir proqramımız olacaq. Pillə-pillə irəli getməliyik. Bir azərbaycanlı kimi futbolumuz üçün daha artığını etməyə çalışacağam. İşimiz çoxalır. Çalışacağıq ki, rəhbərliklə birgə vəzifəmizin öhdəsindən gələk. Yazıları oxuyurdum. Etimadınıza görə də təşəkkür edirəm".