İdman
“Azərreyl” avrokubok üçün “onluğ”unu açıqladı
"Azərreyl" avrokubokun yeni mövsümü üçün ilkin heyətini açıqlayıb. "Dəmiryolçular" "Çelenc Cup" üçün hələlik 10 voleybolçu sifariş edib. Bunlar arasında yeni adlar da var. Ötən mövsüm "Lokomotiv"də çıxış edən gənclərdən ibarət yığmanın hücumçusu Nelli Salbişvili avrokubokda "Azərreyl"in formasını geyinəcək. Həmçinin millidə onun komanda yoldaşı Kseniya Pavlenko və əsas yığmamızın toppaylayıcısı Kristina Yaqubova, blokçusu Ayşən Abduləzimova və liberosu Ceyran Əliyeva da "Çelenc Cup"da bu komandaya köməklik edəcək.
Polşalı hücumçu məşqlərdən kənarlaşdırıldı
Polşa millisinin hücumçusu Lukaş Teodorçik komandanın məşqlərindən kənarlaşdırılıb. Bu qərarı baş məşqçi Heyn Vanhazebruk qəbul edib. Forvardın qeyri-məhsuldar çıxışı 53 yaşlı mütəxəsisi buna vadar edib. Teodorçik özünü toparlamalı və işinə yanaşma tərzini dəyişməli olacaq.
Ulduzların “Qızıl Top” davası - Ronaldo Messiyə zəng edib bunları dedi
İspaniyanın “France Football” dərgisinin üz qabığında “Qızıl Top” mükafatının fotosu ilə birlikdə “barselonalı" Lionel Messinin görüntüsü verilib. Bunu görən Madridin “Real” klubunun ulduzu Kriştiano Ronaldo L.Messiyə zəng edərək “Qzıl Top” mükafatını onun qazandığını deyib. Messi də bunun qarşılığında Ronaldonu təbrik edib. Daha sonra üz qabığının saxta olduğu ortaya çıxıb. Dərgi isə məsələ ilə bağlı hələ ki, heç bir açıqlama verməyib.
Dünya çempionatının bütün iştirakçıları müəyyənləşdi
2018-ci ildə Rusiyada keçiriləcək Dünya Çempionatına qatılan 32-ci ölkənin adı məlum olub. Bu qitələrarası plef-off turunun revanş matçında Yeni Zelandiya milli komandasını 2-0 hesabı ilə məğlub edən Peru millisidir. Peru milli komandası Yeni Zelandiyanı qolsuz bərabərliklə keçən səfər matçından sonra paytaxt Limada yerləşən “Nacional” stadionunda qonaq edib. Qarşılşamanın əvvəlindən sonuna qədər üstünlüyü qoruyan milli Ceferson Farfan və Kristian Ramosun qolları ilə tarixində 5-ci dəfə Dünya Çempionatına vəsiqə qazanıb. Bu ölkə sonuncu dəfə 1982-ci ildə Dünya Çempionatında iştirak edib.
Rüşvət aldığı deyilən futbol funksioneri özünü öldürdü
Argentinanın sabiq futbol funksioneri Xorxe Delxon özünü öldürüb. Xorxe ona qarşı rüşvət alma ittihamı səsləndikdən bir neçə saat sonra özünə qəsd edib. O, əvvəllər dövlət proqramı olan "Futbol para Todos" ("Futbol hamı üçün") layihəsində işləyib. Noyabrın 14-də Nyu-Yorkda keçirilən məhkəmədə Argentinanın idman marketniq kompaniyasının sabiq rəhbəri Alexandro Burtsaqo bildirib ki, Xorxe Delxona 1 milyon dollar rüşvət verib.
“Qalatasaray”ın futbolçusu karyerasını bitirir
"Qalatasaray"ın müdafiəçisi Hakan Balta karyerasını bitirməyə hazırlaşır. 34 yaşlı futbolçu mövsümün sonunda yaşıl meydanlarla vidalaşacaq. Ötən mövsüm baş məşqçi postuna gətirilən İqor Tudor Türkiyə millisinin üzvündən müdafiənin sol cinahında yararlanmaq istəsə də, Hakan bundan imtina etmişdi.
"Real Madrid"in ulduzu: "Bir daha futbola qayıda bilməyəcəyimi sanmışdım"
Senytabrın sonunda "Real Madrid" həkimləri Dani Karvahalın urəyində perikarda virusu aşkarlamışdılar. Xəstəliyin tapılmasından sonra oyunçu meydanlardan uzaq qalmışdı. Oyunçu "Marca"ya açıqlamasında bu sözləri deyib: "Mən qorxdum və bunun xroniki xəstəliyə çevrilib karyeramı bitirməyimə səbəb olacağını düşünməyə başladım. Amma həkimlər narahat olunacaq bir şey olmadığını, bu cür halların tez-tez olduğunu dedilər. Sağalmağım üçün dərmanlar qəbul etməyə başladım. İlk 3-54 həftə mənim üçün çox ağır keçdi. Çünki tərpənməyə belə icazə vermirdilər.
İspaniya - Rusiya, İngiltərə - Braziliya oyunlarında qalib olmadı
Dünən yığma komandalar yoldaşlıq görüşlərində qüvvələrini sınayıblar. DÇ-2018-in seçmə mərhələsində Azərbaycanla eyni qrupda yer almış Almaniya Fransa ilə üz-üzə gəlib. Kölndə keçirilən qarşılaşma qollu bərabərliklə nəticələnib. Mundiala ev sahibliyi edəcək Rusiya ilə İspaniya arasındakı matçda isə 6 qol vurulmasına baxmayaraq, qalib müəyyənləşməyib. Dünya çempionatına iddialı hazırlaşan Belçika millisi doğma azarkeşləri önündə Yaponiyanı 1 qolla üstələyib. Argentina isə Krasnodarda Nigeriyanı sınağa çəkib. Lionel Messisiz cənubi amerikalılar 2 top fərqi ilə önə keçmələrinə baxmayaraq, sonda məğlubiyyətə düçar olublar.
Meydana girdi, Pikeylə selfi çəkdirdi
Sankt-Peterburqda Rusiya ilə İspaniya arasında keçirilən yoxlama görüşündə insident yaşanıb. Qarşılaşmanın son dəqiqələrində azarkeş meydana daxil olub. Həmin vaxt futbolçulardan birinin zədələnməsinə görə, oyunda fasilə yaranıb.
"Barselona" Qrizmann ilə razılaşdı
İspaniyanın "Barselona" klubu La Liqanın digər təmsilçisi "Atletiko" ilə futbolçu Antuan Qrizmannın transfer məsələsində prinsipial razılıq əldə edib. Tərəflər bir neçə həftə əvvəl danışıqlara başlayıblar və artıq yekun mərhələsindədirlər. Bundan sonra Kataloniya təmsilçisi Madrid klubu ilə görüşmələrə start verəcək. Fransa yığmasının 26 yaşlı hücumçusunun keçidi 2018-ci ilin yayına planlaşdırılıb. Qrizmannın "Atletiko" ilə 2022-ci ilə qədər müqaviləsi var. 2018-ci ilin yayında onun transfer qiyməti 100 milyon avro olacaq.
Milli komanda mundiala yüksəlsə...
Peru milli komandası DÇ-2018-in final mərhələsinə yüksəlsə, bu hadisə ölkədə bayram kimi qeyd olunacaq. Bu barədə ölkənin Əmək Nazirliyi açıqlama yayıb. Belə ki, bu gecə Yeni Zelandiya ilə qitələrarası pley-offun cavab oyunu uğurlu nəticələnsə, noyabrın 16-sı qeyri-iş günü elan ediləcək. Rəsmi istirahət günü olacaq tarix üçün əmək haqqı da hesablanacaq. Yeni Zelandiya ilə səfər matçında 0:0 hesablı heç-heçə edən perulular mundiala yüksəlmək üçün qalib gəlməlidi. Görüş Bakı vaxtı ilə saat 06:15-də başlayacaq.
"Mançester Yunayted" futbolçuları qəza törətdilər
"Mançester Yunayted"in 2 futbolçusunun avtomobili toqquşub. Lyuk Şounun idarə etdiyi "Range Rover" komanda yoldaşıFil Consun "Bentley"sinə dəyib.
“Qarabağ”ın rəqibi Arda Turanı istəyir
Qışda "Barselona"dan ayrılacağı gözlənilən Arda Turan karyerasını İngiltərədə davam etdirə bilər. Bu barədə məlumatı Türkiyə mətbuatı yayıb. Bu ölkənin "A Spor" telekanalında yayımlanan "Takım oyunu" proqramında İngiltərə Premyer Liqasının son çempionu "Çelsi"nin 30 yaşlı futbolçunun xidmətində maraqlı olduğu açıqlanıb.
Prosineçki: “Hələ heç nə bilmirəm”
Mətbuat yenə öz işindədi. Adımı müxtəlif yığmalarla birgə hallandırırlar. Bu sözləri xorvatiyalı məşqçi Robert Prosineçki deyib. Millimizlə müqaviləsinin müddəti gələn ay başa çatacaq 48 yaşlı çalışdırıcı ölkəsinin mətbuatına müsahibə verib.
Millimizin futbolçusu azarkeşi təhqir edib, söhbətə çağırdı
21 yaşlılardan ibarət yığmamızın və "Neftçi"nin futbolçusu Elnur Cəfərov yenidən gündəmə gəlib. Bəstəboy hücumçu bu dəfə də oyunu ilə yox, özünü apara bilməməyi ilə seçilib. Noyabrın 8-də evdə Almaniyadan alınan 0:7 hesablı yenilgidə 90 dəqiqə meydanda olan Elnur 5 gün ərzinə ikinci dəfə sosial şəbəkədə diqqəti cəlb edib. Fiaskodan bir gün sonra bahalı maşında gülə-gülə şəklini paylaşan millimizin 20 yaşlı "qoçu"su indi də onun çıxışından narazı olan azarkeşi təhqir edərək, söhbətə çağırıb.