İdman
Ədalətsiz Avropanın ədalətsiz hakimləri “Qarabağ”a qarşı oynadi
Azərbaycanın futbol tarixində ilk dəfə olaraq , çempionlar liqasına vəsiqə qazanmış doğma “QARABAĞ” futbol komandamıza qarşı avropalı hakimlər tərəfindən ardıcıl şəkildə göstərilən qırmızı vərəqələr heç də təsadüfi hal deyildir.
"Atletiko" "Qarabağ"ı qrupda saxladı
"Qarabağ" klubu avrokuboklarda növbəti mərhələyə yüksələ bilməyib. Azərbaycan təmsilçisinin C qrupunu 4-cü pillədə başa vuracağı məlum olub. Bu, V turun hər iki oyunu yekunlaşdıqdan sonra dəqiqləşib. 2 xala malik "Qarabağ" evdə İngiltərənin "Çelsi" klubuna uduzduqdan sonra Çempionlar Liqasının 1/8 final mərhələsinə vəsiqə şanslarını itirib. Qrupun digər matçında isə "Atletiko" İspaniyada İtaliya "Roma"sını 2:0 hesabı ilə yenərək, xallarını 6-ya çatdırıb.
“Hakimdən ağılsız qərar” – İngiltərə mətbuatı
Çempionlar Liqasının qrup mərhələsinin V turunda doğma meydanda “Çelsi” ilə qarşılaşan “Qarabağ” böyükhesablı məğlubiyyətə üzülüb. Görüşün 18-ci dəqiqəsində portuqaliyalı hakim Manuel De Souzanın verdiyi penalti qərarı və Rəşad Sadıqova göstərdiyi qırmızı vərəqə geniş müzakirələrə səbəb olub.
Şenol Günəş "Qarabağ" - "Çelsi" oyununa gəlir
Ötən gecə Türkiyə çempionu "Beşiktaş"ın UEFA Çempionlar Liqasının qrup mərhələsi çərçivəsində Portuqaliyanın "Portu" klubu ilə ev oyunu zamanı Bakı Olimpiya Stadionunda İstanbul klubununun ağ-qara rənglərinin işıqlandırıldığını xəbər vermişdik.
Hazar “Qarabağ”la oyunda het-trik etsə...
Çempionlar Liqasının qrup mərhələsi çərçivəsində "Qarabağ"ın qonağı olacaq "Çelsi"də bütün diqqətlər Eden Azarın üzərində olacaq. Belçikalı futbolçu bu gün növbəti dəfə fərqlənməyə çalışacaq.
Britaniya səfirindən "Qarabağ" və "Çelsi"yə dəstək
Böyük Britaniyanın Azərbaycandakı səfiri Kerol Kroft "Qarabağ" və İngiltərənin "Çelsi" komandaları arasında keçiriləcək Çempionlar Liqasının qrup mərhələsinin V tur matçından əvvəl hər iki kluba dəstək verib.
Ronaldu rekordunu yenilədi
İspaniyanın "Real" klubunun portuqaliyalı forvardı Kriştianu Ronaldu Çempionlar Liqasının APOEL-ə qarşı keçirilən oyununda dubl edib. 32 yaşlı hücumçu bununla da, bir təqvim ilində turnirdə 18 qol vurmaqla öz rekordunu yeniləyib. Görüş "Kral klubu"nun 6:0 hesablı qələbəsi ilə başa çatıb.
Berti Foqts "Borussiya"nın zəif nöqtəsini tapıb
Azərbaycan yığmasının sabiq baş məşqçisi Berti Foqts Dortmund "Borussiya"sının çıxışı barədə danışıb. Foqts uğursuz çıxışın baş məşqçi ilə bağlı olmadığını deyib. O, zəif oyuna görə, mərkəz müdafiəçilərini günahlandırıb: "Borussiya"nın olduqca zəif müdafiəsi var. Əsasən də, mərkəz müdafiəçiləri. Bu müdafiəçilər Bundesliqanın əksər klublarında əsas heyətə düşə bilməzlər.
"Qarabağ" - "Çelsi" oyunu ilə bağlı AZARKEŞLƏRƏ MÜRACİƏT
Bakı Olimpiya Stadionu və “Qarabağ” klubu bu arenada “Çelsi” ilə keçiriləcək oyunla əlaqədar azarkeşlərə müraciət ünvanlayıblar. Bu barədə Ağdamın “Qarabağ” klubunun və Bakı Olimpiya Stadionunun rəsmi saytları məlumat yayıb, oyun üçün stadiona gəliş-gediş sxemi təqdim edilib. Azarkeşlərdən xahiş olunur ki, stadiona gələrkən “E” qapısından çıxıb şərq körpüsündən və “S” qapısından keçib cənub körpüsündən istifadə etsinlər.
"Barselona" qışda Özili ala bilər
Qış transfer pəncərəsi dövründə "Barselona" "Arsenal"dan Məsut Özili heyətinə cəlb edə bilər. Alman əsilli türk futbolçu üçün 20 milyon avro təzminat ödəməyə hazırdır. Bu transfer "Barselona"nın "Liverpul"dan almaq istədiyi Felippe Koutinyoya alternativ olaraq həyata keçirilə bilər.
“Real Madrid” argentinalı ulduz üçün sərvət ödəməyə hazırlaşır
"Real Madrid" klubu "Mançester Siti"nin hücumçusu Serxio Aquero üçün sərvət ödəməyə hazırlaşır. Klub 29 yaşlı ulduz futbolçunun transferinə 67 milyon avro ödəməyə hazır olduğunu bildirib.
Konte: ""Qarabağ" son 2 oyunda əla çıxış edib"
"Çelsi"nin baş məşqçisi Antonio Konte İngiltərə mətbuatına "Qarabağ"la oyundan danışıb. İtaliyalı mütəxəssis matçın çətin keçəcəyini bildirib. Konte Ağdam klubu üzərində qələbənin onların növbəti mərhələyə keçməsi üçün ən böyük şans olduğunu deyib: "Qarabağ" üzərində qələbə qazansaq, bu möhtəşəm olacaq. Həm də bu qalibiyyət bizi növbəti mərhələyə daşıyacaq. Amma Azərbaycan klubu üzərində qələbə çox çətin başa gələcək. Çünki onlar son iki oyunda əla çıxış ediblər. "Atletiko" ilə 2 heç-heçə bunun sübutudur. Həmçinin "Roma" "Qarabağ"a çox çətinliklə qalib gəldi. Çox çalışmalıyıq".