İdman
"Qalatasaray" Fatih Terimlə müqavilə bağladı
Türkiyənin "Qalatasaray" klubu baş məşqçi postuna dördüncü dəfə təyin olunan Fatih Terimlə müqavilə bağlayıb. 64 yaşlı mütəxəssislə 1,5 illik sözləşmə imzalanıb. Bu barədə bir qədər sonra İctimaiyyəti Məlumatlandırma Platformasına ətraflı məlumat veriləcək. Artıq Terim klubun bazasına gələrək, komandanı məşqə çıxarıb.
"Keşlə" klubu daha bir futbolçusu ilə yollarını ayırdı
Bakının "Keşlə" klubu daha bir futbolçusu ilə yollarını ayırıb. Yarımmüdafiəçi Samir Zərgərov komandanı tərk edib. 31 yaşlı oyunçunun karyerasını "Kəpəz"də davam etdirəcəyi gözlənilir. Bu seçimdə Zərgərovun əslən Göygöldən olması və bu rayonun Gəncəyə yaxınlığı da rol oynayıb.
"Neftçi"nin hücumçusu Boliviya klubunda
"Neftçi" klubunun futbolçusu Uqo Barqas karyerasını Boliviyanın "Bluminq" klubunda davam etdirəcək. Bu barədə Cənubi Amerika təmsilçisinin meneceri Tito Paz "El Mundo"ya açıqlama verib. O bildirib ki, 31 yaşlı fransalı hücumçu 2018-ci il yanvarın ilk həftəsində "Bluminq"ə qoşulacaq: "Müqavilə ilə bağlı ona rəsmi təklif göndərmişik. Danışıqlar uğurlu keçib. Sözləşmə bizim büdcəmizə uyğundur".
2020-ci il Tokio olimpiadasının büdcəsi azaldılıb
2020-ci ildə Yaponiyanın paytaxtı Tokioda keçiriləcək Yay Olimpiya və Paralimpiya Oyunlarının büdcəsi azaldılıb. Büdcə 35 milyard yen (təxminən 309 milyon dollar) azaldılaraq, 1 trilyon 350 milyard ienə (12 milyard dollardan bir qədər az) endirilib. Tokiodan kənardakı yarışların təşkili üçün nəzərdə tutulan xərclər olimpiya lotereyasından əldən olunacaq vəsaitlə qarşılanacaq.
Neymarın “Real”a transfer tarixi bəlli oldu
İspaniyanın “Diario Gol” qəzeti uzun müddətdir adı “Real Madrid”lə birgə çəkilən Neymarın transferi barədə daha bir iddia ortaya atıb. “PSJ”nin ən bahalı oyunçusu 2020-ci ildə “Real”a trenasfer ediləcək. Ötən yay “Barselona”dan 222 milyon avroya transfer edilərək tarixin ən bahalı oyunçusu adını alan Neymar hazırki komandasında xoşbəxt olmadığını dəfələrlə vurğulayıb.
Qvardiola İspaniyada separatçılar siyahısına daxil edilib
"Mançester Siti”nin baş məşqçisi Xosep Qvardiola İspaniyada separatçılar siyahısına daxil edilib. O, Kataloniyada referendumun keçirilməsinə kömək etdiyi üçün bu siyahıya düşüb.
“Qəbələ"nin futbolçusu Türkiyə klubuna transfer edilir
Türkiyənin "Samsunspor" klubu "Qəbələ"də icarə əsasında çıxış edən Famussa Koneni transfer etmək niyyətdindədir. Bu barədə Türkiyə mətbuatı məlumat yayıb. Məlumata görə, F.Konenin adı baş məşqçi Engin İpekoğlunun klub rəhbərliyinə təqdim etdiyi transfer siyahısında yer alıb. Klubun yaxın günlərdə F.Konenin menecerinə təklif göndərəcəyi iddia edilir.
Gimnastlarımız beynəlxalq turnirdən 3 medal qazandı
Bu gün Rusiyanın paytaxtı Moskvada yekunlaşan kişi və qadın idman gimnastikası üzrə Mixail Voronin adına Kubokda təmsilçilərimiz 3 medal əldə ediblər.
Çinlilər "Qarabağ"ın aparıcı hücumçusunu almaq üçün gəlir
“Qarabağ”ın legioneri Dino Ndlovunun Çinə transfer olunmaq məsələsi ciddi mərhələyə qədəm qoyub. Bu barədə occerladuma.co.za saytı məlumat verib. Məlumatda bildirilir ki, Çinin “Xanqzou Qrintaun” klubu gələn ay “Qarabağ”a böyük məbləğdə pul ilə qonaq gəlməyi düşünür. D.Ndlovunun “Qarabağ”la müqaviləsinin müddəti 6 aydan sonra bitəcək. Buna görə təklif haqqqında düşünüləcəyi ehtimal edilir. Klub isə futbolçudan gəlir götürməyi hədəflədiyi üçün qış transfer pəncərəsində 750 min avro təzminat almaqla, D.Ndlovunu satacaq.
Güləşçi soyğunçuluqda ittiham edilir
Sərbəst güləş üzrə Avropa çempionu olmuş Azərbaycan idmançısı Anar İsmayılov soyğunçuluqda ittiham edilir. İdmançı Cinayət Məcəlləsinin 180.1 (Soyğunçuluq) maddəsi ilə ittiham edilir. Barəsində polisin nəzarətinə verilmə qətimkan tədbiri seçilən A. İsmayılovun cinayət işi hazırda Bakı Ağır Cinayətlər Məhkəməsində araşdırılır.
"Beşiktaş" 3 futbolçunu transferə çıxarır
"Beşiiktaş" yanvarda bir neçə futbolçusu ilə yollarını ayırmaq barədə düşünür. Son 2 mövsümün Türkiyə çempionu Araz Özbiliz, Denis Boyko və Veli Kavlakın xidmətlərində maraql ıdeyil. "Dnepr"dən "qara qartallar"ın heyətinə qoşulan Boyko yenidən Ukraynaya geri dönə bilər. Onunla ölkəsinin "Dinamo Kyiv" və "Shakhtar" klubları maraqlanır. Mətbuatda yayılan xəbərlərə görə Özbilizin agenti hazırda Qazaxıstan klubları ilə danışıqlar aparır.
Arda Turan 12 milyonluq imza atdı - Londona gedir
"Barselona" ilə yol ayrıcında olan və adı "Qalatasaray" da daxil bir çox klublarla yanaşı çəkilən Arda Turanın sürpriz yatırıma imza atdığı ortaya çıxıb. Ulduz oyunçunun, hər fürsəttə "İstanbuldan sonra ən çox sevdiyim şəhər" dediyi İngiltərənin paytaxtı Londonda ev aldığı məlum olub. Ardanın bu addımı eyni zamanda adının ayanaşı çəkildiyi "Arsenal"a transferi ilə bağlı iddiaları da artırıb. Bununla yanaşı futbolçunun təxminən 12 milyon lirəlik bir yatırım etdiyi də bildirilir.
“Beşiktaş”ın Mahir Mədətova görə “Qarabağ”a ödəyəcəyi MƏBLƏĞ AÇIQLANDI - İNANILMAZ RƏQƏM
Türkiyə və yerli mediada yayılan qeyri-rəsmi məlumata görə, “Qarabağ”ın 20 yaşlı futbolçusu Mahir Mədətov “Beşiktaş” klubuna transfer edilib. Türkiyə təmsilçisi transfer qarşılığında ağdamlılara 3 milyon avro ödəyəcəyi bildirilir. Transfer haqqında rəsmi açıqlamanın 2-3 yanvar tarixində açıqlanacağı gözlənilir.
Qurban Qurbanov İSTEFA VERDİ, AFFA isə...
Milli komandamızın baş məşqçisi Qurban Qurbanovun AFFA İcraiyyə Komitəsinin üzvlüyündən istefası qəbul olunmayıb. Bu barədə Qol.az-a açıqlamasında AFFA-nın İnformasiya və İctimaiyyətlə Əlaqələr Departamentinin rəhbəri Firuz Abdulla məlumat verib. Onun sözlərinə görə, Q.Qurbanovun məsələsinə İK-in mart ayında keçirilməsi gözlənilən konfransında yenidən baxılacaq: “Qurban Qurbanov İcraiyyə Komitəsindəki işini davam etdirəcək. İstefa məsələsinə İK-in növbəti ildəki iclasında yenidən baxılacaq”.
Bakıda beynəlxalq turnir keçirilir
Bu gün Azərbaycan boksunun banisi Abbas Ağalarovun xatirəsinə həsr olunmuş gənclər arasında ənənəvi beynəlxalq turnirə start veriləcək. “OLAYLAR”-ın GİN-ə istinadən verdiyi xəbərə görə, Boks Federasiyasının idman zalında baş tutacaq yarış 4 gün davam edəcək.