Foqts susmaq bilmir: "Özlərini qeyri-peşəkar aparırdılar"

Millimizlə yolları ayrılan Berti Foqts azərbaycanlı futbolçuları növbəti dəfə tənqid edib. O, futbolçularımızı qeyri-peşəkarlıqda günahlandırıb: "Azərbaycanlı futbolçular bəzən özlərini çox qeyri-peşəkar aparırdılar. Mən İtaliya ilə oyundan sonra onları bərpaedici məşqə çıxarmaq üçün az qala dilə tuturdum. Bu, inanılmaz idi. Hətta dünya çempionu Almaniya yığması Azərbaycan millisindən daha çox məşq edir. Yaxşı nəticə əldə etmək üçün çox məşq etmək lazımdır".