6000-ci qol

"Avro-2016"nın seçmə mərhələsində keçirilən Polşa - Şotlandiya oyunu (2:2) qonaqların futbolçusu Stiven Neysmit üçün əlamətdar olub. Qol.Az-ın xarici KİV-lərə istinadən verdiyi məlumata görə, Polşanın qapısına yol tapan 28 yaşlı futbolçu Avropa seçmə mərhələlərində vurulan 6000-ci qolun müəllifi kimi tarixə düşüb.

Qeyd edək ki, Avropa seçmə mərhələsində ilk qolu 1958-ci ildə keçmiş SSRİ yığmasının futbolçusu Anatoli İlin Macarıstanla görüşdə vurub.